نیوزی لینڈ اور بھارت کے درمیان تیسرا ٹی ٹوئنٹی میچ بارش کے باعث ٹائی ہوگیا، سیریز 0-1 سے بھارت کے نام ہوگئی۔
تفصیلات کے مطابق نیپئر میں نیوزی لینڈ نے ٹاس جیت کر پہلے بیٹنگ کرنے کا فیصلہ کیا اور آخری اوور میں 160 رنز پر پوری ٹیم آؤٹ ہوگئی۔
ڈیوون کونوے 59 اور گلین فلپس 54 رنز بناکر نمایاں رہے۔ ان کے علاوہ مارک چیپمین (12) اور ڈیرل مچل (10) کے علاوہ کوئی کھلاڑی ڈبل فیگرز میں داخل نہ ہوسکا۔
بھارت کی جانب سے محمد سراج اور ارشدیپ سنگھ نے 4،4 جبکہ ہرشل پٹیل نے ایک وکٹ حاصل کی۔
ہدف کے تعاقب میں بھارتی ٹیم ابتدا ء سے ہی مشکلات کا شکار رہی تاہم کپتان ہاردک پانڈیا کی جارحانہ بیٹنگ کی بدولت میچ ٹائی کرنے میں کامیاب رہی۔
Advertisement
بارش کے باعث میچ رکنے تک بھارتی ٹیم 9 اوورز میں 4 وکٹوں کے نقصان پر 75 رنز بناچکی تھی۔ڈک ورتھ لوئس میتھڈ کے تحت 9 اوورز میں 76 رنز کا ہدف مقرر ہوا، یوں میچ ٹائی ہوگیا۔
India finish on par with the DLS score and the match ends in a tie
take the series 1-0
Scorecard: https://t.co/UAVgFPPafs pic.twitter.com/Zttel3CUcM
— ICC (@ICC) November 22, 2022
Advertisement
ہاردک پانڈیا 30 اور دیپک ہودا 9 رنز بناکر ناٹ آؤٹ رہے۔ سوریا کمار یادیو 13، رشابھ پانت 11، ایشان کشن 10 اور شریاس ایئر بغیر کوئی رن بنائے آؤٹ ہوئے۔
نیوزی لینڈ کی جانب سے کپتان ٹم ساؤتھی نے 2 جبکہ ایڈم ملنے اور ایش سودھی نے ایک ایک وکٹ حاصل کی۔
محمد سراج کو 17 رنز کے عوض 4 وکٹیں حاصل کرنے پر میچ کا بہترین کھلاڑی قرار دیا گیا۔
Advertisement