حال ہی میں عمر اکمل کے مکی آرتھر اور وقار یونس سے متعلق تہلکہ خیز انکشافات کے بعد سابق ہیڈ کوچ کا بیان سامنے آگیا ہے۔
تفصیلات کے مطابق پاکستان کے سابق ہیڈ کوچ مکی آرتھر نے سماجی رابطے کی ویبسائٹ ٹویٹر پر جاری بیان میں عمر اکمل کو کہا ہے کہ پہلے آپ خود کو
آئینے میں دیکھیں۔
Take a look in the mirror Umar!! https://t.co/VvZKio0WpP
— Mickey Arthur (@Mickeyarthurcr1) June 14, 2022
Advertisement
حال ہی میں عمر اکمل نے اپنے ایک بیان میں کہا تھا کہ مکی آرتھر نے میرا کیریئر خراب کر دیا، اس وقت کی سلیکشن کمیٹی اور مقامی کوچز نے میرا ساتھ نہیں دیا تھا۔
انہوں نے کہا تھا کہ میں پاکستان ٹیم کے ان نایاب کھلاڑیوں میں سے ایک ہوں جنہیں ہمیشہ نظر انداز کیا جاتا رہا ہے۔
یہ بھی پڑھیں: عمر اکمل نے مکی آرتھر اور وقار یونس کو غیر پیشہ ورانہ قرار دے دیا
واضح رہے کہ 2017 میں عمر اکمل نے دعویٰ کیا کہ آرتھر نے ان کی توہین کی اور ان کے خلاف بری زبان استعمال کی۔
تاہم سابق کوچ نے تمام الزامات کو مسترد کر دیا اور عمر اکمل نے ان کے بارے میں جو کچھ کہا اس کی تردید کی۔