یورو زون میں شامل انیس ممالک میں مہنگائی کی شرح 25گزشتہ پچیس سال کی بلند ترین سطح پر پہنچ گئی ہے۔
یورپی یونین کے محکمہ شماریات کی جانب سے یکم جولائی کو جاری رپورٹ کے مطابق جون 2022 میں یورو زون کے انیس ممالک میں مہنگائی کی شرح 8.6 فیصد تک پہنچ گئی۔
اس سے پہلے خیال کیا جارہا تھا کہ مہنگائی کی شرح 8.4 فیصد رہے گی۔تاہم، اب اس خطے میں مہنگائی کی شرح 1997 کے بعد سب سے زیادہ ہے، جب یورو کرنسی کا آغاز ہوا تھا۔
یورو زون میں مہنگائی کی شرح میں گزشتہ ایک سال کے دوران مسلسل اضافہ دیکھنے میں آیا ہے۔
قبل ازیں، کورونا وائرس کی وبا کے دوران سپلائی چین شدید متاثر ہوئی بعد ازاں، یوکرین پر روس کے حملے سے توانائی ذرائع کی قیمتوں میں اضافہ ہوگیا۔
Advertisement
مہنگائی کی روک تھام کے لیے یورپین سینٹرل بینک کی جانب سے شرح سود میں بھی جولائی کے دوران اضافہ کیا جائے گا۔
اس خطے میں ایندھن کی قیمتوں میں جون کے دوران 41.9 فیصد اضافہ جبکہ خوراک کی قیمتوں میں 11.1 فیصد اضافہ ہوا۔
یاد رہے، 24 فروری سے جاری روس یوکرین جنگ نے مغربی ممالک میں ایک ہلچل پیہدا کردی ہے۔ یورو زون ممالک روس یوکرین جنگ سے متاثر ہونے والے اولین ممالک میں شامل ہیں۔