بھارتی ریاست منی پور میں خوفناک لینڈ سلائیڈنگ کے سبب 18 بھارتی فوجی ہلاک ہوگئے ہیں۔
بھارتی خبر رساں ادارے کے مطابق ریاست منی پور کے ضلع نونے میں لینڈ سلائیڈنگ سے ہلاک ہونے والوں میں اٹھارہ فوجی اہلکار بھی شامل ہیں جب کہ 38 افراد تاحال لاپتا ہیں۔ فوجی کیمپ کے نزدیک لینڈ سلائیڈنگ بدھ کی رات کو ہوئی جہاں ریلوے کی کنسٹرکشن سائٹ بھی ہے، لینڈ سلائیڈنگ کے بعد علاقے میں ریسکیو کارروائیوں کےلیے فوجی اہلکار بھی حصہ لے رہے ہیں۔
بھارتی حکام کے مطابق فوجی علاقے میں ہونے والی لینڈ سلائیڈنگ میں 13 فوجی اہلکاروں سمیت 5 عام شہریوں کو ریسکیو کیا گیا ہے۔علاقے میں شدید بارشوں اور دیگر وجوہات کی بنا پر امدادی کاموں میںامدادی ٹیموں کو مشکلات کا سامنا ہے۔
ان حالات میں انتطامیہ نے ملبے میں دبے اہلکاروں کی موجودگی کا پتہ لگانے کے لیے ایک ریڈار بھی نصب کیا ہے جو ملبے تلے افراد کو ڈھونڈنے میں معاونت کرے گا۔
اس حوالے سے منی پور کے وزیر اعلیٰ بیرن سنگھ نے جمعہ کے روز جائے حادثہ کا دورہ کیا جہاں انہوں نے افسوسناک واقعے میں ہلاک ہونے والوں کے لیے پانچ لاکھ اور زخمیوں کے لیے پچاس ہزار کی امدادی رقم کا اعلان کیا۔
Advertisement