کیا فاسٹ بولر نسیم شاہ اداکاری میں قدم رکھ رہے ہیں؟

By admin On نومبر 23, 2022

سابق فاسٹ بولر وقار یونس اور نسیم شاہ کی تصویر نے سوشل میڈیا پر ایک نئی بحث چھیڑ دی ہے۔

سابق فاسٹ بولر وقار یونس کی جانب سے سماجی رابطے کی سائٹ پر ایک تصویر شیئر کی گئی جس میں ان کے ہمراہ فاسٹ بولر نسیم شاہ بھی موجود ہیں۔

Stay Tuned Everyone Something BIG’s coming up @iNaseemShah not only an excellent Cricketer but also a very good Actor️ pic.twitter.com/nqprJJe7xD

— Waqar Younis (@waqyounis99) November 22, 2022

اس تصویر کو شیئر کرتے ہوئے وقار یونس نے لکھا کہ ’سب متوجہ ہوں کچھ بڑا آرہا ہے، نسیم شاہ صرف بہت اچھے کرکٹر ہی نہیں بلکہ اچھے اداکار بھی ہیں‘۔

وقار یونس کی جانب سے اس ٹوئٹ کے بعد صارفین میں ایک نئی بحث چھڑ گئی اور صارفین نے مختلف تبصروں کے ذریعے صورت حال کو سمجھنے کی کوشش کی۔

کئی صارفین نے نسیم شاہ کو شوبز سے دور رہنے کا مشورہ دیا تو کئی صارفین نے خوشی کا اظہار کرتے ہوئے ان کی کامیابی کی دعا کی۔

مسز نسیم شاہ نامی جعلی اکاؤنٹ لکھتے ہیں کہ ’تم کس لائن میں آگئے‘۔

احمد خان نامی صارف نے لکھا کہ ’لوگ کہہ رہے ہیں کہ جیلیٹ کا ایڈ ہے، وہ سب تو ٹھیک ہے لیکن داڑھی کہا ہے۔

دانیال اظہر نسیم شاہ کو مشورہ دیتے ہوئے کہتے ہیں کہ ’نسیم کو وقار سے دور رہنا چاہیے‘۔

عریشہ امتیاز کہتی ہیں کہ ’یہ سب مل کر اس کا کرکٹ کیریئر خراب کریں گے‘۔

فاطمہ خان لکھتی ہیں کہ ’ایسے ہی چلتا رہا تو اس کا حال بھی حسن علی جیسا ہوجائے گا‘۔

واضح رہے کہ نسیم شاہ انگلینڈ کے خلاف ہونے والی ہوم ٹیسٹ سیریز میں قومی اسکواڈ کا حصہ ہیں جب کہ سیریز کا آغاز یکم دسمبر سے ہوگا جو 21 دسمبر تک جاری رہے گی۔