بدین کے علاقے تلہار کے ایک گاؤں میں 13 سالہ بچے کو مبینہ اجتماعی بدفعلی کا نشانہ بنانے کا واقعہ پیش آیا ہے۔ پولیس نے متاثرہ بچے کے والد یار محمد جویو کی فریاد پر 5 نامزد اور 2 نامعلوم افراد سمیت 7 ملزمان کے خلاف مقدمہ درج کرلیا۔
مقدمے کے مطابق بچے کے والد نے الزام عائد کیا کہ ملزمان اس کے بیٹے کو زرعی اراضی پر لے گئے جہاں اسے مبینہ بدفعلی کا نشانہ بنایا گیا۔ والد کے مطابق ممتاز، عرس اور ظفر جویو نے مبینہ بدفعلی کی جبکہ مراد جویو، رفیق جویو اور 2 نامعلوم افراد نے مبینہ طور پر سہولت کاری کی۔
واقعے کا نوٹس لیتے ہوئے ایس ایس پی بدین قمر رضا جسکانی نے تلہار پولیس کو ملزمان کی گرفتاری کے احکامات جاری کردیے ہیں۔