دوسرے ٹیسٹ میچ میں پاکستان کو سری لنکا کے ہاتھوں بدترین شکست کا سامنا- بول نیوز

By admin On جولائی 28, 2022

دوسرے ٹیسٹ میچ میں پاکستان کو سری لنکا کے ہاتھوں بدترین شکست کا سامنا

گال: دوسرے ٹیسٹ میچ میں سری لنکا نے پاکستان کو 246 رنز سے شکست دے دی ہے۔

پاکستان اور سری لنکا کی کرکٹ ٹیموں کے درمیان گال میں دوسرا ٹیسٹ میچ کھیلا گیا جس کے پانچویں اور آخری دن نتیجہ خیز رہا۔

دوسرے ٹیسٹ میں سری لنکا نے 246 رنز کے بڑے مارجن سے شکست دے دی جبکہ پاکستان ٹیم دوسری اننگز میں 261 رنز پر ہی ڈھیر ہوگئی۔ سری لنکا کی جیت کے بعد ٹیسٹ سیریز 1-1 سے برابر ہوگئی ہے۔

پاکستان کی دوسری اننگز

پاکستان کی جانب سے بیٹنگ کا آغاز اوپنر عبداللہ شفیق اور امام الحق نے کیا لیکن عبداللہ شفیق زیادہ دیر وکٹ پر نہ ٹک سکے اور 16 رنز بناکر بربھات جے سوریا کی گیند پر کیچ دے بیٹھے۔

یہ بھی پڑھیں: دوسرا ٹیسٹ؛ بڑے ہدف کے تعاقب میں بابر اور امام کا مثبت آغاز

تاہم کپتان بابر اعظم نے آکر وکٹ کو سنبھالا جن کا ساتھ اوپنر امام الحق نے دیا جبکہ امام الحق صرف 1 رنز سے نصف سنچری اسکور کرنے میں ناکامیاب رہے اور 49 رنز بناکر پویلین لوٹ گئے۔

بابر اعظم نے کپتانی کے فرائض انجام دیتے ہوئے ایک ذمہ دارانہ اننگز کھیلی اور 81 رنز بناکر ٹاپ اسکورر رہے جبکہ محمد رضوان نے بھی 37 رنز اسکور کیے۔

علاوہ ازیں فواد عالم صرف 1 رن بناکر رن آؤٹ ہوئے، پہلی اننگز میں بڑا اسکور کرنے والے آغا سلمان بھی 4 رنز بناکر آؤٹ ہوگئے۔

سری لنکا کی جانب سے پربھات جے سوریا نے شاندار بولنگ کا مظاہرہ کرتے ہوئے 5 کھلاڑیوں کو آؤٹ کیا، رمیش مینڈس 4 وکٹیں لینے میں کامیاب رہے۔

سری لنکا کی دوسری اننگز

سری لنکا نے دوسری اننگز میں 8 وکٹوں کے نقصان پر 360 رنز بناکر اپنی اننگز ڈکلیئر کردی جبکہ دھنن جیا ڈی سلوا سنچری کی بدولت 109 رنز بناکر ٹاپ اسکورر رہے۔

یہ بھی پڑھیں: ٹیسٹ رینکنگ: بابر اعظم اور شاہین آفریدی نے تیسری پوزیشن حاصل کرلی

سری لنکا کے کپتان دمتھ کرونا رتنے نے 61 رنز کی شاندار اننگز کھیلی جبکہ اینجلو میتھیوز 35، دنیش چندیمل 21، اوشادہ فرننڈو 19 اور دنتھ ویلا لیج نے 18 رنز بنائے۔ رمیش مینڈس 45 رنز بناکر ناٹ آؤٹ رہے۔

پاکستان کی جانب سے محمد نواز اور نسیم شاہ نے 2،2 کھلاڑیوں کو آؤٹ کیا جبکہ یاسر شاہ، نعمان علی اور آغا سلمان ایک ایک وکٹ لینے میں کامیاب رہے ہیں۔

پاکستان کی پہلی اننگز

ہدف کے تعاقب میں پاکستان ٹیم شروع سے ہی مشکلات کا شکار رہی اور پہلی وکٹ صفر پر ہی گرگئی، اوپنر عبداللہ شفیق بغیر کوئی رن بنائے پویلین لوٹ گئے ، امام الحق نے 32 رنز بنائے جبکہ محمد رضوان اور فواد عالم 24،24 بنانے میں کامیاب رہے ، کپتان بابر اعظم بھی 16 رنز بناکر پویلین لوٹ گئے۔

پاکستان کی جانب سے سب سے زیادہ رنز آغا سلمان نے اسکور کیے، انہوں نے 62 رنز کی اننگز کھیلی جب کہ محمد نواز 12 اور حسن علی 21 رنز بناکر پویلین لوٹ گئے۔

یہ بھی پڑھیں: فواد سے توقعات ہیں اس کو پریشر ہینڈل کرنا ہو گا، شاہد خان آفریدی

سری لنکا کی جانب سے رمیش مینڈس نے 5 جب کہ پربھات جے سوریا نے 3 اور اسیتھا فرننڈو، ڈی سلوا نے ایک ایک وکٹ حاصل کی۔

سری لنکا کی پہلی اننگز

سری لنکا کی جانب سے سب سے بڑی اننگز دنیش چندیمل نے 80 رنز کی کھیلی جن کی اننگز کا اختتام محمد نواز کی گیند پر فواد احمد کے ہاتھوں کیچ دے کر ہوا۔

نیروشن ڈک ویلا 51، اوشادہ فرننڈو 50، دمتھ کرونارتنے 40 اور اینجلو میتھیوز 42 رنز بناکر آؤٹ ہوئے جبکہ رمیش مینڈش 35 اور ڈی سلوا 33 رنز بنانے میں کامیاب رہے۔

پاکستان کی جانب سے نسیم شاہ اور یاسر شاہ نے 3،3 کھلاڑیوں کو آؤٹ کیا جبکہ محمد نواز 2 اور نعمان علی ایک وکٹ لینے میں کامیاب رہے۔

یہ بھی پڑھیں: گال ٹیسٹ کی فتح نے بہت اعتماد دیا، ڈریسنگ روم میں حوصلے بلند ہیں، بابر اعظم

واضح رہے کہ گال میں ہونے والے پہلے ٹیسٹ میچ میں پاکستان نے 4 وکٹوں سے کامیابی اپنے نام کی تھی جبکہ پاکستان کو سیریز میں 1-0 کی برتری حاصل ہے۔