یواے ای کی کرکٹ لیگ آئی ایل ٹی ٹوئنٹی نے یواے ای میں مقیم کھلاڑیوں کی رجسٹریشن کی شروع کردی ہے۔
یہ رجسٹریشن ایک پورٹل کے ذریعے کی جارہی ہے جو یکم نومبر کو لانچ کیا گیا ہے۔ خواہش مند کھلاڑیوں سے کہا گیا ہے کہ وہ نئے ویب سائٹ پر خود رجسٹرڈ کراسکتے ہیں۔ رجسٹریشن کا یہ عمل 18 نومبر بروز جمعہ کی دوپہر تک جاری رہے گا۔
آئی ایل ٹی 20 میں شریک ٹیمیں اپنے مکمل اسکواڈ کا اعلان دسمبر کے شروع میں کریں گی اور ہر ٹیم پر لازم ہے کہ وہ یواے ای کے 4 کھلاڑیوں کو شامل کریں۔
Advertisement
ایمریٹس کرکٹ بورڈ کے جنرل سکریٹری مبشر عثمانی نے کہا کہ لیگ انتظامیہ رجسٹریشن پورٹل کو کھولنے پر بہت خوشی محسوس کررہی ہے۔ اس سے ہمیں بڑی تعداد میں باصلاحیت کھلاڑی میسرآئیں گے جو قیمتی اثاثہ ہوں گے اور ہم انہیں اپنے افتتاحی ایڈیشن میں خوش آمدید کہیں گے۔