اقوام متحدہ کے جنرل سیکریٹری انتونیو گوٹیرس نے کوپ 27 سربراہی اجلاس میں کہا کہ دنیا جہنم کی آب و ہوا والی شاہراہ پر گامزن ہے۔
تفصیلات کے مطابق مصر کے شہر شرم الشیخ میں کوپ 27 کی موسمیاتی تبدیلی پر ہونے والے سالانہ سربراہی اجلاس میں اقوام متحدہ کے جنرل سیکریٹری انتونیو گوٹیرس نے عالمی برادری کو خبردار کیا کہ دنیا تباہی کے دہانے پر پہنچ چکی ہے۔
اقوام متحدہ کے جنرل سیکریٹری انتونیو گوٹیرس نے مصر میں جمع عالمی رہنماؤں سے کہا کہ انسانیت کو موسمیاتی تبدیلی کے اثرات کے پیش نظر تعاون یا مرنے میں سے کسی ایک کا انتخاب کرنا ہو گا۔
واضح رہے کہ مصر کے سیاحتی مرکز شرم الشیخ کے بحیرہ احمر کے ریزورٹ میں تقریباً 100 سربراہان مملکت اور حکومتوں کے نمائندے ملاقات کر رہے ہیں۔
Advertisement
کوپ 27 سربراہی اجلاس میں عالمی برادری کے رہنماؤں کو اس اجلاس میں اخراج میں کمی کو مزید کم کرنے اور پہلے ہی سے بڑھتے ہوئے درجہ حرارت کے اثرات سے تباہ حال ترقی پذیر ممالک کو مالی طور پر واپس لانے کے مطالبات کا سامنا ہے۔
انتونیو گوٹیرس نے کہا کہ یہ یا تو موسمیاتی یکجہتی کا معاہدہ ہو گا یا اجتماعی خودکشی کا معاہدہ ہو گا، انہوں نے آلودگی پھیلانے والی قوموں پر زور دیا کہ وہ غریب ممالک کی مدد کے لیے آئیں جو کرہ ارض پر گرمی کی شدت کو بڑھانے والی گیسوں کے اخراج کے لیے کم سے کم ذمہ دار ہیں۔
واضح رہے کہ دنیا بھر میں قومیں بڑھتی ہوئی شدید قدرتی آفات کا مقابلہ کر رہی ہیں جنہوں نے صرف اس سال ہزاروں جانیں لے لی ہیں اور دسیوں اربوں ڈالر کا نقصان ہوا ہے۔
نائیجیریا اور پاکستان میں تباہ کن سیلاب سے لے کر کینیا، صومالیہ اور امریکہ میں خشک سالی اور تین براعظموں میں گرمی کی شدت میں غیر معمولی اضافہ ہو چکا ہے۔
Advertisement
اجلاس سے خطاب کرتے ہوئے مصری صدر عبدالفتاح السیسی نے کہا کہ ہم نے ایک کے بعد ایک تباہی دیکھی ہے، کیا اب بھی وہ وقت نہیں آیا جس ہماری اس ساری تکلیف کو ختم کر دے۔
انتونیو گوٹیرس نے عالمی رہنماؤں کو بتایا کہ موسمیاتی تبدیلی کو اب پس پشت نہیں رکھ سکتے اس سنگین صورتحال میں یہ مسلہ اب ترجیح بنیادوں پر حل کرنے کی ضرورت ہے۔
اقوام متحدہ کے سیکریٹری جنرل نے دنیا کے امیر ممالک اور ابھرتی ہوئی معیشتوں کے درمیان ایک تاریخی عالمی معاہدے پر زور دیا جو صنعتوں سے خارج ہونے والی گیسوں کے اخراج میں دُگنا کمی لا سکے۔
Advertisement