برطانیہ میں آج سے سمر ٹائم ختم اور ونٹر ٹائم کا آغاز ہوگیا، آج شب ملک بھر میں گھڑیاں ایک گھنٹہ پیچھے کردی جائیں گی۔
میڈیا رپورٹ کے مطابق برطانیہ میں ہفتہ اور اتوار کی شب 2 بجتے ہی گھڑیاں ایک گھنٹہ پیچھے کردی جائیں گی۔
رپورٹ کے مطابق وقت ایک گھنٹہ پیچھے کرنے کا مقصد سورج کی روشنی سے فائدہ اٹھانا ہے۔
میڈیا رپورٹ کے مطابق برطانیہ اور پاکستان کے درمیان وقت کا فرق 4 سے بڑھ کر 5 گھنٹے ہوجائے گا۔
رپورٹ کے مطابق اتوار کی صبح گھڑیوں میں وقت کی تبدیلی سے لوگوں کو ایک گھنٹہ زائد سونے کا موقع ملے گا۔
میڈیا رپورٹ کے مطابق ونٹر ٹائم آئندہ برس 31 مارچ تک جاری رہے گا، برطانیہ میں جلد اندھیرا چھا جانے کے سبب ٹریفک حادثات اور گھروں میں چوری کی وارداتیں بڑھ جاتی ہیں۔