غزہ کی وزارت صحت نے آخری اپیل کرتے ہوئے کہا ہے کہ ہم اپنی ہر ممکنہ کوشش کے بعد اور فیول کے ہر قطرے کا اسپتال میں بھرپور استعمال کیا۔
وزارت صحت نے اپنی اپیل میں مزید کہا کہ بلآخر اب ہم اس جگہ پہنچ گئے ہیں جہاں ہمارے پاس فیول بالکل ختم ہوچکا ہے۔
اب اگر کوئی معجزہ نہ ہوا تو یہ تباہ کن صورتحال پیدا ہوگی اور غزہ کے شفا اسپتال کے جنریٹرز کل بند ہوجائیں گے۔
واضح رہے کہ شفا اسپتال غزہ میں وحشیانہ اسرائیلی بمباری اور حملوں سے زخمی ہونے والے افراد بالخصوص خواتین، بچوں اور بزرگوں کو علاج فراہم کیا جارہا ہے، لیکن اسرائیل نہ صرف اسپتالوں کو نشانہ بنا رہا ہے بلکہ اس نے فیول، پانی، ادویات اور خوراک کی بندش کر رکھی ہے۔