پاکستان اور سری لنکا کی ویمنز ٹیموں کے درمیان ون ڈے سیریز کی چمچماتی ٹرافی کی تقریب رونمائی ہوئی۔
تفصیلات کے مطابق ٹرافی کی تقریب رونمائی کے موقع پر قومی ٹیم کی کپتان بسمہ معروف اور مہمان ٹیم کی قائد چماری اتاپتو نے ٹرافی کے ساتھ خصوصی فوٹو شوٹ کروایا ۔
دونوں ٹیموں کے مابین سیریز کا آغاز کل سے کراچی کے ساؤتھ اینڈ کلب میں ہوگا۔ دوسرا ون ڈے تین جون جبکہ تیسرا اور آخری ایک روزہ میچ پانچ جون کو کھیلا جائے گا۔
یہ ون ڈے سیریز آئی سی سی ویمنز چیمپئن شپ کا حصہ ہوگی۔
Advertisement
اس سے قبل پاکستان نے تین ٹی ٹوئنٹی میچز کی سیریز میں مہمان ٹیم کو وائٹ واش کیا تھا۔
یاد رہے کہ 2005 کے بعد یہ پہلا موقع ہے جب سری لنکن ویمنز ٹیم پاکستان کا دورہ کررہی ہے اس سے قبل وہ ایشیا کپ کے لیے پاکستان آئی تھی۔