ایشیا کپ کے افتتاحی میچ کے بعد پاکستان اور نیپال کی ٹیمیں سری لنکا روانہ ہوگئیں، دونوں ٹیمیں ملتان سے خصوصی پرواز سے کولمبو روانہ ہوئیں۔
پی سی بی کے مطابق ٹیم رات 3 بجے چارٹرڈ فلائٹ سے روانہ ہوئی، کولمبو سے ٹیم بس کے ذریعے کینڈی جائے گی۔
جمعے کو پاکستان پالے کیلے انٹرنیشنل کرکٹ اسٹیڈیم میں شام 6 بجے سے رات 8 بجے تک ٹریننگ کرے گی۔
پاکستان اور بھارت کے درمیان ایشیا کپ کا میچ 2 ستمبر کو پالے کیلے میں کھیلا جائے گا۔
دوسری جانب روہت شرما کی قیادت میں بھارتی کرکٹ ٹیم بھی کینڈی پہنچ گئی ہے۔