کراچی:
شہر قائد کے سائٹ ایریا میں سیمنز چورنگی کے قریب گودام میں آگ لگ گئی جس پر قابو پانے کے لیے فائر بریگیڈ کی 5 گاڑیاں طلب کرلی گئیں۔
ترجمان فائر بریگیڈ کے مطابق گودام میں لگنے والی آگ بجھانے کے لیے ابتدائی طور پر 2 گاڑیاں روانہ کی گئی تھیں۔
تاہم آگ کی شدت کو دیکھتے ہوئے مزید گاڑیاں طلب کرلی گئیں جس کے بعد آپریشن میں مصروف گاڑیوں کی تعداد 5 ہوگئی۔
فائر آفیسر عارف منصوری کے مطابق فائر بریگیڈ کا عملہ آگ بجھانے میں مصروف ہے۔