اسلام آباد:
پاکستان نے فلسطینی ریاست کی آزادی کے اعلان کی 38ویں سالگرہ کے موقع پر فلسطین کی حکومت اور عوام کو مبارکباد پیش کرتے ہوئے آزاد اور خودمختار فلسطینی ریاست کے قیام کے لیے اپنی غیر متزلزل حمایت کا اعادہ کیا ہے۔
🇵🇰🤝🇵🇸 On the occasion of the 38th anniversary of the Declaration of Independence of the State of Palestine🇵🇸, the Government and people of Pakistan extend their heartiest felicitations to the Government and people of the State of Palestine🇵🇸.
Pakistan reaffirms its steadfast… pic.twitter.com/7F25tZbo2i
— Ministry of Foreign Affairs – Pakistan (@ForeignOfficePk) November 15, 2026
سماجی رابطوں کے پلیٹ فارم ایکس (سابقہ ٹوئٹر) پر دفتر خارجہ کی جانب سے جاری بیان کے مطابق حکومت اور پاکستانی عوام اس اہم موقع پر فلسطینیوں اور ان کی حکومت کے لیے نیک تمناؤں کا اظہار کرتے ہیں۔
دفتر خارجہ نے اپنے پیغام میں واضح کیا کہ پاکستان فلسطینی عوام کے حق خودارادیت کی حمایت پر ثابت قدم ہے اور ایک آزاد و خودمختار فلسطینی ریاست کے قیام کے اپنے اصولی مؤقف پر قائم ہے۔
