حریت رہنما یاسین ملک کی اہلیہ مشعال ملک نے کہا ہے کہ میں کشمیر کی قوم کے لیے جنگ لڑوں گی۔
حریت رہنما یاسین ملک کی اہلیہ مشعال ملک نے ویڈیو پیغام میں کہا کہ کشمیری بہادر اور خوددار قوم ہیں کبھی ہار نہیں مانے گے اس لیے میں کشمیر کی قوم کے لیے میں جنگ لڑوں گی۔
انکا کہنا تھا کہ مقبوضہ جموں و کشمیر کی تاریخ غم سے بھری پڑی ہے، کئی دہائیوں سے سٹرکوں اور گلیوں میں اپنے پیاروں کی لاشیں اور خون بکھرا پڑا دیکھ رہے ہیں۔
مشعال ملک نے کہا کہ ماؤں، بہنوں اور بزرگوں کی چیخیں اور سسکیاں آسمان کو ہلا رہی ہیں، لمحہ بہ لمحہ بارود اور گیس شیلنگ کی بدبو سے سانس لینا بھی محال ہے۔
انہوں نے کہا کہ حریت قیادت کو بھارت کی کینگرو کورٹس میں دہشتگرد ڈکلئیر کرنا دنیا عدل کے ساتھ سب سے بڑا مزاق ہے، بھارت کی ہٹ دھرمی کے آگے دنیا میں عدل کا نظام آج شرمندہ ہے۔
Advertisement
انہوں نے کہا کہ یسین ملک نے نہ صرفِ بھارتی جارحیت کو للکارا بلکہ ظلم کے خلاف ڈٹ گئے، انھوں نے کہا کہ کشمیری زندگی کی بھیک نہیں اپنی آزادی مانگ رہے ہیں، کشمیریوں نے جتنی قربانیاں دی کسی نے نہیں دی۔
مشعال ملک نے مزید کہا کہ ہندوستان کی بھول ہے کہ وہ ان اوچھے ہتھ کنڈوں سے ہماری تحریک آزادی کو دبا سکیں گے۔
انکا کہنا تھا کہ پہلے معصوم کشمیریوں کا قتل اور اب کشمیری قیادت کا جوڈیشنل مرڈر کیا جارہا ہے، آج کا ہٹلر مودی ہے اور کوئی نہیں ہے۔
مشعال ملک کا مزید کہنا تھا کہ انٹرنیشنل کمیونٹی سے کہنا چاہتی ہوں، کشمیریوں کے لیے انٹرنیشنل کرمنل ٹربیونل اب تک کیوں نہیں بنایا گیا۔