لاہور: سابق فاسٹ بولرعاقب جاوید نے کہا ہے کہ پاکستان ٹیم کو سری لنکا میں مشکل نہیں ہوگی کیونکہ وہاں کی پچز ہمارے جیسی ہیں۔
لاہورقلندرز کے ہائی پرفارمنس سینٹر میں میڈیا سے بات کرتے ہوئے ڈائریکٹر کرکٹ لاہور قلندر اور سابق فاسٹ بولر عاقب جاوید نے پاکستان کرکٹ ٹیم کے دورہ سری لنکا کے حوالے سے اظہار خیال کرتے ہوئے کہا کہ آسٹریلیا سری لنکا میں کھیل کرگئی آسٹریلیا کو سری لنکا میں ہمیشہ مشکل ہی پیش آئی ہے۔
عاقب جاوید سری لنکا کی پچز اور کنڈیشنز ایسی ہیں کہ وہ سری لنکن ٹیم کو انہیں فائدہ مند رہتی ہیں، اور ہمارے پاکستان کے بیٹرز اسپنرز کو اچھا کھیلتے ہیں اس لیے یہ سیریز پاکستان کو جیتنی چاہیئے ۔
عاقب جاوید کا کہنا تھا کہ پاکستان ٹیم میں اسپین بولنگ کا ایک گیپ ایسا ہے جو کہ نظر آتا ہے، ہمارے ہاں جو گیپس ہیں ان پر کام کرنے کی ضرورت ہے۔
انہوں نے کہا کہ این ایچ پی سی کے ڈائریکٹر ندیم خان نے بیان دیا 140 کی اسپیڈ والے بیس بولرز مل گئے ہیں۔
Advertisement
سابق فاسٹ بولر کا کہنا تھا کہ فاسٹ بولنگ تو نویم صاحب کا مسئلہ ہی نہیں رہا ہے، مڈل آرڈر بیٹنگ اسپین بولنگ اور آل راونڈزکا شعبہ آپ کا مسئلہ ہے۔
سابق فاسٹ بولر عاقب جاوید نے مزید کہا کہ ندیم خان کو ان تین شعبوں پر فوکس کرنے کی ضرورت ہے اور تمام محنت ان پر کرنا ہوگی۔
واضح رہے کہ پاکستان اور سری لنکا کے درمیان دو ٹیسٹ میچز پر مشتمل سیریز کا پہلا میچ 16 جولائی سے کھیلا جائے گا۔