نائیجیریا کے شہر لاگوس کے قریب مسافر کشتی اُلٹنے سے دو افراد ہلاک جبکہ متعدد افراد لاپتہ ہوگئے ہیں۔
نائیجریا کی ان لینڈ واٹر ویز اتھارٹی کی مینیجر سرۃ بریماہ نے تصدیق کی کہ ڈبلیو 19، مسافر بردار کشتی 16 مسافروں کو لے کر دو میل کے علاقے سے اوجو کے علاقے کی طرف جا رہی تھی جہاں کشتی کے ساتھ واقعہ پیش آ گیا۔
ان کا مزید کہنا تھا کہ رات کے وقت انہیں واقعے کے حوالے سے کال موصول ہوئی جس کے بعد فوری طور پر حادثے کا شکار کشتی اور اس میں سوار مسافروں اور عملے کی تلاش کا کام شروع کردیا گیا تھا۔ریسکیو ٹیموں نے کشتی ڈھونڈ لی ہے اور کشتی میں سوار 2 افراد کی لاشیں بھی تلاش کر لی گئی ہیں لیکن تاحال کشتی میں سوار عملے سمیت دیگر سولہ لوگوں کے حوالے سے کوئی اطلاعات سامنے نہیں آئی۔
سرۃ بریماہ کا کہنا تھا اطلاعات ہیں کہ حادثے کا شکار کشتی میں سوار تمام مسافروں نے لائف جیکٹ نہیں پہنے ہوئے تھے، لاپتہ مسافروں کی تلاش جاری ہے اور حادثے کا شکار ہونے والی کشتی میرین پولیس کی تحویل میں دے دی گئی ہے۔
ایمرجنسی حکام کے مطابق ڈوبنے والی کشتی پر موجود دیگر 16 افراد کی تلاش جاری ہے، ممکنہ طور پر اونچی لہر کشتی الٹنے کا سبب بنی ہے
Advertisement