جاپان میں ایوان بالا کے انتخابات کے لیے ووٹنگ کا عمل مکمل ہوگیا ہے۔ ابتدائی نتائج میں حکمران اتحاد کی پارلیمان میں اکثریت برقرار نظر آرہی ہے۔
جاپانی میڈیا کے مطابق جاپان میں ایوانِ بالا کے انتخابات کے لیے ووٹنگ کا عمل مکمل ہوگیا ہے جس کے بعد ابتدائی نتائج میں حکمران اتحاد کی پارلیمان میں اکثریت برقرار نظر آرہی ہے۔
حکمران اتحاد کو ایوان بالا کی 125 نشستوں میں سے 83 نشستیں ملنے کا قوی امکان ہے۔
یاد رہے، ایوان بالا کے انتخاب کے حتمی نتائج کل تک آئیں گے۔
سابق آنجہانی جاپانی وزیراعظم شینزو ایبے حکمران جماعت لبرل ڈیموکریٹک پارٹی کے رکن تھے، چند روز قبل انتخابی مہم کے دوران تقریر کرتے ہوئے انہیں گولیاں مارکر ہلاک کر دیا گیا تھا۔ سابق جاپانی وزیراعظم شینزو ایبے کے قتل کے دو روز بعد ملک میں پارلیمانی انتخابات کا انعقاد ہوا ہے۔
Advertisement