مشرقی یوکرین میں ڈونیٹسک کے شہر میں پانچ منزلہ رہائشی عمارت پر روسی فضائی حملے کے نتیجے میں پندرہ افراد ہلاک ہو گئے ہیں۔
غیرملکی خبر رساں ادارے کی رپورٹ کے مطابق یوکرینی ریجن دانیسک خاص طور پر روس کی نظروں کا مرکز بنی ہوئی ہے جہاں روسی راکٹ حملے میں پانچ منزلہ رہائشی عمارت کا ایک حصہ مکمل طور پر تباہ ہو کرملبے کے ڈھیر میں تبدیل ہوگیا ہے۔
یوکرینی امدادی ایجنسی کے حکام کا کہنا ہے کہ رہائشی عمارت پر روسی راکٹ حملے کے نتیجے میں پندرہ افراد ہلاک ہو چکے ہیں جبکہ ملبے سے 5 افراد کو زندہ حالت میں ریسکیو کر لیا گیا ہے اور اب بھی بیس سے زائد افراد کا ملبے تلے دبے ہونے کا خدشہ ہے۔
دورسی جانب، روسی وزارت دفاع نے اپنے ایک بیان میں کہا ہے کہ روسی افواج نے سے یوکرینی شہر چاسیویار کے علاقے میں حملہ کرکے چھپائی گئی امریکی ساختہ ایم-777 توپوں کے ایک ہینگر کو تباہ کردیا ہے۔
علاوہ ازیں، روس یوکرین جنگ کے تناظر میں مغربی اتحاد نیٹو نے روس پر عائد پابندیوں میں مزید سختی کردی ہے۔ روسی صدر کا گذشتہ دنوں کہنا تھا کہ ابھی روسی افواج نے کارروائی کی ہی نہیں ہے۔
Advertisement