پاکستان کے سابق سپر اسٹار فاسٹ بولر شعیب اختر کی زندگی پر بننے والی بائیوپک اگلے سال نومبر میں ریلیز ہو گی۔
تفصیلات کے مطابق اس بائیوپک کا نام ‘راولپنڈی ایکسپریس- رننگ اگینسٹ دی آڈس‘ ہوگا۔
سابق فاسٹ بولر شعیب اختر نے خود اپنے یو ٹیوب چینل پر فلم سے جڑا ایک موشن پوسٹر جاری کیا۔ اس میں ہی فلم کی ریلیز کی تاریخ کا بھی انکشاف ہوا ہے۔ یہ فلم 16 نومبر، 2023 کو سنیما گھروں میں آئے گی۔
فلم کو جو موشن پوسٹرجاری ہوا ہے، اس میں ایک شخص ریل کی پٹری پر دوڑتا نظر آرہا ہے۔
Advertisement
شعیب اخترکی پیدائش راولپنڈی میں ہوئی تھی اورتیز رفتار گیند باز ہونے کے سبب ہی انہیں راولپنڈی ایکسپریس نام ملا تھا۔ ان کی بائیوپک بھی اسی نام سے آرہی ہے۔
شعیب اختر کی بائیوپک کے ڈائریکٹر محمد ظفر کر رہے ہیں۔ شعیب نے اپنے ٹوئٹر اکاؤنٹ سے بایوپک کا موشن پوسٹر جاری کرنے کے ساتھ کیپشن لکھا، ’اس خوبصورت سفر کی شروعات۔ میری کہانی، میری زندگی، میری بایوپک ’راولپنڈی ایکسپریس-رننگ اگینسٹ دی ‘آڈس‘ آنے والی ہے۔
Beginning of this beautiful journey. Announcing the launch of my story, my life, my Biopic,
"RAWALPINDI EXPRESS – Running against the odds”
You’re in for a ride you’ve never taken before. First foreign film about a Pakistani Sportsman.Controversially yours,
Shoaib Akhtar pic.twitter.com/3tIgBLvTZnAdvertisement
— Shoaib Akhtar (@shoaib100mph) July 24, 2022
شعیب اختر نے مزید لکھا کہ آپ بھی ایسی سواری کے لئے تیار ہوجائیے، جسے آپ نے اس سے پہلے کبھی نہیں کیا ہوگا۔ پاکستان کے کھلاڑی پر پہلی غیر ملکی فلم، آپ کا اپنا شعیب اختر‘۔
یوٹیوب پر شیئر کئے جانے کے بعد سے ہی اس ویڈیو کو ایک دن میں 30 ہزار سے زیادہ لوگ دیکھ چکے ہیں۔
بایوپک میں شعیب اختر کا کردار کون نبھا رہا ہے؟ اس کے بارے میں کوئی معلومات سامنے نہیں آئی ہے۔ حالانکہ، شعیب اختر نے کافی پہلے یہ خواہش ظاہر کی تھی کہ اگر ان کے اوپر کبھی بایوپک بنائی جائے تو سلمان خان ان کا رول نبھائیں۔
Advertisement
یاد رہے سابق فاسٹ بولر شعیب اختر نے پاکستان کے لئے 46 ٹسٹ، 163 ون ڈے اور 15 ٹی ٹوئنٹی کھیلے ہیں اور تینوں فارمیٹس میں مجموعی طور پر 400 سے زیادہ وکٹ حاصل کئے ہیں۔
حالانکہ ان کی پہچان وکٹ سے زیادہ رفتار کے لئے رہی۔ وہ پہلے تیز گیند باز تھے، جنہوں نے 100 میل سے زیادہ کی رفتار سے گیند پھینکی تھی۔ انہوں نے 2002 میں نیوزی لینڈ کے یہ ریکارڈ بنایا تھا۔
Advertisement