امریکی محکمۂ خارجہ کے ترجمان میتھیو ملر نے پریس کانفرنس کے دوران خالصتان سے متعلق سوالات کے جواب دینے سے گریز کیا ہے۔
میتھیو ملر نے پریس کانفرنس کے دوران کہا کہ بھارت کے ساتھ جاری نجی سفارتی گفتگو پر کوئی تبصرہ نہیں کروں گا، خالصتان موضوع پر رابطہ کاری کے بارے میں کوئی معلومات نہیں ہیں۔
امریکی محکمۂ خارجہ کے ترجمان نے کہا کہ بھارت کے ساتھ ہمارا اہم اسٹریٹجک تعلق ہے۔
اس سے قبل رواں ہفتے بھی امریکی محکمۂ خارجہ کے ترجمان میتھیو ملر نے خالصتان پالیسی پر جواب دینے سے گریز کیا تھا۔
واشنگٹن میں بریفنگ کے دوران امریکی ترجمان کا کہنا تھا کہ دنیا میں کہیں بھی بین الاقوامی جبر باعثِ تشویش ہے۔
ترجمان امریکی محکمۂ خارجہ کے مطابق بھارت پر زور دیا ہے کہ وہ تحقیقات میں تعاون کرے۔