سعودی عرب، متحدہ عرب امارات (یو اے ای) سمئیت خلیجی ممالک میں شوال کا چاند نظر نہیں آیا، جس کے بعد عیدالفطر ممکنہ طور پر 2 مئی کو ہوگی۔
سعودی عرب میں شوال کا چاند دیکھنے کے لیے اجلاس منعقد کیا گیا، تاہم چاند نظر نہیں آیا۔
سعودی عدالتِ عظمیٰ نے جمعرات کو اپیل کی تھی کہ شہری اپنے طور پر 29 رمضان کی شام شوال کا چاند کھلی آنکھ یا دوربین سےدیکھنے کی کوشش کریں۔
سعودی سپریم کورٹ کا کہنا تھا کہ چاند نظر آنے کی صورت میں شہری اپنی قریبی عدالت کو شہادت ریکارڈ کرائیں۔
سعودی عرب، متحدہ عرب امارات (یو اے ای) سمئیت خلیجی ممالک میں شوال کا چاند دیکھنے کے لیے اجلاس شروع ہوگیا ہے۔
سعودی عدالتِ عظمیٰ نے اپیل کی تھی کہ شہری اپنے طور پر آج 29 رمضان کی شام شوال کا چاند دیکھنے کی کوشش کریں، شوال کا چاندکھلی آنکھ یادوربین سےدیکھنے کی کوشش کی جائے۔
سعودی سپریم کورٹ کے مطابق چاند نظر آنےکی صورت میں اپنی قریبی عدالت کو شہادت ریکارڈ کرائیں۔
خیال رہے کہ 30 اپریل ان ممالک کے لیے رمضان کا 29 واں دن ہے جنہوں نے 2 اپریل کو رمضان کے پہلے روزے کا مشاہدہ کیا۔
اس سے قبل متحدہ عرب امارات کے بین الاقوامی فلکیاتی مرکز نے کہا تھا کہ اُن ممالک میں عید الفطر 2 مئی کو ہوگی جہاں رمضان کا مہینہ 2 اپریل کو شروع ہوا تھا۔
متحدہ عرب امارات میں رویت ہلال کمیٹی کے سربراہ نے متعدد اعلیٰ عہدیداروں کے ساتھ مل کر 30 اپریل کو چاند دیکھنے کا اعلان کیا ہے۔
فلکیاتی مرکز کا یہ بھی کہنا تھا کہ 30 اپریل کو شوال کا چاند دیکھنا ناممکن نظر آتا ہے، تاہم اجلاس کو سنت پر عمل پیرا ہوتے ہوئے ترتیب دیا جائے گا۔