کرکٹ پاکستان کی جانب سے بتایا گیا ہے کہ ویسٹ انڈیز کے خلاف ون ڈے سیریز کے لیے پاکستان مردوں کا تربیتی کیمپ مئی کے تیسرے ہفتے میں لگایا جائے گا۔
رپورٹ میں کہا گیا ہے کہ ٹیم انتظامیہ اور چیف سلیکٹر کے درمیان ملاقات عید کی چھٹیوں کے بعد ہوگی جس میں پاکستان ٹیم کے مستقبل کے منصوبوں پر بات چیت ہوگی۔
اس وقت جاری کاؤنٹی چیمپئین شپ میں شامل کھلاڑیوں کو 2 جون تک رپورٹ کرنے کو کہا گیا ہے۔
مردوں کی قومی ٹیم کا غیر ملکی کوچنگ عملہ بھی مئی کے دوسرے ہفتے میں لاہور پہنچ جائے گا کیونکہ وہ آسٹریلیا کے خلاف ہوم سیریز کے بعد چھٹی پر تھے۔
پاکستان ویسٹ انڈیز کے خلاف تین ون ڈے میچوں کی سیریز کی میزبانی کرے گا، جو 8 جون سے راولپنڈی میں شروع ہوگی۔