ایشیا کپ 2022 کو سری لنکا سے منتقل کیے جانے کا امکان ہے جس میں ملک کی کرکٹنگ باڈی اس بات کو آئندہ ایشین کرکٹ کونسل (اے سی سی) کے اجلاس میں میز پر رکھے گی۔
تفصیلات کے مطابق سری لنکا کرکٹ ( ایس ایل سی) سے توقع ہے کہ وہ آئی پی ایل فائنل کے موقع پر ہونے والی میٹنگ کے دوران اے سی سی کے صدر جے شاہ کو درخواست بھیجے گا ۔
ایس ایل سی نے یہ فیصلہ جاری معاشی اور سیاسی بحرانوں کو مدنظر رکھتے ہوئے کیا ہے،اے سی سی کے متعدد اراکین نے کہا ہے کہ ابھی حتمی فیصلہ نہیں ہوا ہے لیکن اس امکان کو مسترد نہیں کیا ہے،ایس ایل سی کے سکریٹری موہن ڈی سلوا نے کہا کہ کچھ بھی حتمی نہیں ہوا ہے۔
متحدہ عرب امارات (یو اے ای) اور بنگلہ دیش اس ٹورنامنٹ کے میزبان کے طور پر سری لنکا کی جگہ سب سے آگے ہیں۔تاہم کرکٹ سری لنکا کا آسٹریلیا اور پاکستان کے خلاف اپنی دو طرفہ مصروفیات کو منسوخ یا منتقل کرنے کا کوئی منصوبہ نہیں ہے۔
دریں اثنا، سری لنکا کے میڈیا کے نے اطلاع دی ہے کہ بورڈ آف کنٹرول فار کرکٹ ان انڈیا (بی سی سی آئی) نے ایشیا کپ سے قبل چند دو طرفہ ٹی ٹوئنٹی انٹرنیشنل کھیلنے پر رضامندی ظاہر کی ہے تاکہ مالیاتی بحران سے دوچار بورڈ کی مدد کی جا سکے۔
Advertisement
واضح رہے کہ ایشیا کپ 27 اگست سے 11 ستمبر تک شیڈول ہے۔
یہاں یہ بات قابل ذکر ہے کہ کووڈ-19 وبائی امراض کی وجہ سے ٹورنامنٹ پہلے ہی دو بار ملتوی کیا جا چکا ہے۔