سری لنکا دستبردار، اب ایشیا کپ کا میزبان کون ہوگا؟
ملک میں بگڑتی معاشی حالت کے بعد سری لنکا ایشیا کپ کی میزبانی سے دستبردار ہونے کے لیے تیار ہوگیا ہے۔
غیر ملکی میڈیا رپورٹس کے مطابق سری لنکا کرکٹ بورڈ ایشیا کپ کی میزبانی سے دستبردار ہونے کے لیے تیار ہوگیا ہے جس کے بعد بورڈ ایشین کرکٹ کونسل سے منتقلی کے لیے درخواست کرے گا۔
رپورٹ کے مطابق سری لنکن حکام کا کہنا ہے کہ ملک میں شدید معاشی بحران کے باعث ایشیا کپ کی میزبانی ممکن نہیں رہی ہے۔
واضح رہے کہ اگر سری لنکن حکام کی منتقلی کی درخواست کو قبول کرلیا جاتا ہے تو ممکنہ طور پر بنگلادیش اور متحدہ عرب امارات ایونٹ کی میزبانی کے لیے مضبوط امیدوار ہیں۔
Advertisement
اس سے قبل سری لنکن کرکٹ بورڈ کے سربراہ نظم الحسن نے اپنے ایک بیان میں سری لنکا سے منتقلی کے بعد بنگلادیش کو مضبوط امیدوار قرار دیا تھا۔
ان کا کہنا تھا سری لنکا کا پاکستان اور آسٹریلیا کے ساتھ دو طرفہ سیریز منسوخ کرنے کا کوئی ارادہ نہیں جبکہ بھارت سے ایشیا کپ سے قبل 2 ٹی ٹوئنٹی میچز بھی کھیلے جائیں گے جس کا مقصد سری لنکن کرکٹ بورڈ کی مدد کرنا ہے۔
یاد رہے کہ ایشیا کپ 27 اگست سے 11 ستمبر کے دوران سری لنکا میں کھیلا جانا تھا۔