پاکستان اور ویسٹ انڈیز کے درمیان تین میچوں کی ون ڈے سیریز8 جون سے شروع ہورہی ہے، سیریز میں کپتان بابر اعظم ایک اور ورلڈ ریکارڈ اپنے نام کر سکتے ہیں۔
بابر اعظم کا شمار دنیا کے بہترین بلے بازوں میں ہوتا ہے ۔ وہ اگلے مہینے شروع ہونے والی ون ڈے سیریز میں ایک اور بڑا ریکارڈ اپنے نام کرسکتے ہیں۔
پاکستان اور ویسٹ انڈیز کے درمیان تین میچوں کی سیریز آٹھ جون سے شروع ہورہی ہے.
گرین شرٹس کے کپتان بابر اعظم ورلڈ کپ سپر لیگ میں اب تک 902 رن بنائے ہیں.
بابر اعظم اگر سیریز میں 98 رنز بنالیتے ہیں تو ایک ہزار رنز تک پہنچنے والے دنیا کے پہلے بیٹسمین بن جائیں گے، ان کی موجودہ فارم کو دیکھتے ہوئے یہ مشکل نظر نہیں آرہا ہے.
پاکستان کے کپتان بابر اعظم نے سپر لیگ کے 12 میچوں میں اب تک 90 کی اوسط سے 902 رن بنائے ہیں، جس میں پانچ سنچری اور تین نصف سنچریاں بنائی ہیں، جبکہ 158 رن کی سب سے بڑی اننگز کھیلی ہے.
Advertisement
عالمی کرکٹ کے افق کا کوئی بیٹسمین 800 رنز کا ہندسہ بھی نہیں چھو سکا ہے ۔ آئرلینڈ کے پال اسٹرلنگ دوسرے نمبر پر ہیں، انہوں نے 17 میچوں میں 47 کی اوسط سے 791 رن بنائے ہیں۔
بھارت کے بیٹسمینوں میں شیکھر دھون ٹاپ پر ہیں ، انہوں نے 10 میچوں میں 47 کی اوسط سے 427 رنز بنائے ہیں، جبکہ چار نصف سنچریاں بھی شیکھر دھون کے کھاتے میں درج ہیں۔
بھارت کے ہی ویرات کوہلی نے 9 میچوں میں 328 رنز بنائے ہیں، جس میں چار نصف سنچریاں شامل ہیں ۔