تین یورپی ممالک نے روسی وزیر خارجہ سرگئی لاوروف کو فضائی حدود استعمال کرنے سے روک دیا۔
غیر ملکی خبر رساں ادارے کے مطابق بلغاریہ،شمالی مقدونیہ اور مونٹی نیگرو نے روسی سرکاری طیارے کو اپنی فضائی حدود سے گزرنے کی اجازت نہیں دی۔
روسی وزیرخارجہ سرگئی لاوروف اور دیگر روسی حکام کو آج سربیا کے دارالحکومت بلغراد پہنچنا تھا۔
وہیں، دوسری جانب روس نے مشرقی یورپی ممالک کے اقدام کو دشمنی کی کارروائی قرار دیا ہے۔
اس تناظر میں روسی وزیر خارجہ سرگئی لاوروف کا کہنا ہے کہ سربیا کے پڑوسی ممالک کا اقدام غیر معمولی ہے، ان ممالک کو اس کی وضاحت دینی ہوگی۔
Advertisement
انہوں نے کہا کہ وہ اب اپنے سربیا کے ہم منصب کو ماسکو آنے کی دعوت دیں گے اصل بات یہ ہے کہ کوئی بھی سربیا کے ساتھ ہمارے تعلقات کو خراب نہیں کر سکے گا۔
عالمی امور کے ماہرین کا کہنا ہے کہ روس یوکرین جنگ نے روس اور مغربی ممالک کے مابین کشیدگی کو جنم دیا ہے جس کے نتائج وقت کے ساتھ نظر آئیں گے۔ مغربی ممالک اور روس کے باہمی تعلقات اس جنگ کے بعد بری طرح متاثر ہیں۔ دنیا بھر میں اس جنگ کے بعد دھڑے بندیاں بھی واضح ہورہی ہیں اور بلاک کی سیاست کھل کر سامنے آرہی ہے۔