فیفا فٹ بال ورلڈ کپ 2026 کے میزبان شہروں کا اعلان
فیفا نے فٹ بال ورلڈ کپ 2026 کے لیے امریکہ، کینیڈا اور میکسیکو کے میزبان شہروں کا اعلان کردیا ہے۔
فٹبال کی عالمی تنظیم فیفا نے فٹبال ورلڈ کپ 2026 کے میزبان شہروں کا اعلان کردیا ہے جبکہ امریکہ، کینیڈا اور میکسیکو کے 16 شہروں میں ٹورنامنٹ منعقد کیا جائے گا۔
ورلڈ کپ کے میچز امریکا کے 11، میکسیکو کے 3 اور کینیڈا کے 2 شہروں میں منعقد ہوں گے، جن شہروں میں ورلڈ کپ کے میچز ہوں گے ان میں امریکہ کے شہر لاس اینجلس، نیویارک اور ہیوسٹن شامل ہیں۔
علاوہ ازیں امریکہ کے شہر میامی ، اٹلانٹا، سیٹل، سان فرانسسکو، کانسز سٹی، ڈلاس، فلاڈیلفیا اور کانسس سٹی شامل ہیں جبکہ میکسیکو کے شہر میکسیکو شہر، گواڈا لاجارا اور موںٹیری شامل ہیں۔
کینیڈا کے شہر وینکوور اور ٹورنٹو میں بھی فیفا ورلڈ کپ 2026 کے میچز کروائیں جائیں گے جبکہ پہلی مرتبہ یہ ٹورنامنٹ تین میزبان ممالک میں منعقد کیا جارہا ہے اور یہ پہلا موقع ہے جب ٹورنامنٹ میں 32 ٹیموں کی بجائے 48 ٹیمیں حصہ لیں گی۔
Advertisement
واضح رہے کہ اس سے قبل امریکہ 1994 اور میکسیکو 1970، 1986 میں ایونٹ کی میزبانی کرچکا ہے جبکہ 2018 میں امریکہ، کینیڈا اور میکسیکو کو 2026 کے ورلڈ کپ کی میزبانی کے لیے منتخب کیا گیا تھا۔