ٹی ٹوئنٹی ورلڈ کپ کے فائنل کے لیے میچ آفیشلز کا اعلان
آٹھویں آئی سی سی مینز ٹی ٹوئنٹی ورلڈ کپ کے فائنل کے لیے میچ آفیشلز کی تقرریوں کا اعلان کر دیا گیا ہے۔
امپائرز ماریس ایراسمس اور کمار دھرم سینا 13 نومبر کو میلبرن کرکٹ گراؤنڈ میں پاکستان اور انگلینڈ کے درمیان کھیلے جانے والے آئی سی سی مینز ٹی ٹوئنٹی ورلڈ کپ 2022 کے فائنل میں فیلڈ امپائر کے فرائض انجام دیں گے۔
کرس گیفانی میچ کے ٹی وی امپائر ہوں گے جب کہ پال ریفل فورتھ امپائر کے فرائض انجام دیں گے، میچ ریفری رنجن مدوگالے فائنل کی نگرانی کریں گے۔
واضح رہے کہ پاکستان نے سیمی فائنل میں نیوزی لینڈ کو شکست دے کر فائنل کے لیے کوالیفائی کیا ہے جب کہ انگلینڈ بھارت کو شکست دے کر فائنل میں پہنچا ہے۔
خیال رہے کہ ٹی ٹوئنٹی ورلڈ کپ کے فائنل کے لیے آسٹریلوی محکمہ موسمیات نے 95 فیصد بارش کی پیش گوئی کر رکھی ہے۔
Advertisement
اس حوالے سے آئی سی سی نے کہا ہے کہ اتوار کو میچ نہ ہو نےکی صورت میں پیر کو ریزرو ڈے پر میچ ہوگا۔تاہم پیر کو بھی کسی وجہ سے میچ نہ ہونے پر دونوں ٹیموں کو مشترکہ طور پر چیمپئن قرار دے دیا جائے گا۔
Advertisement