سری لنکن کرکٹر دانشکا گونا تھیلاکا ریپ کے الزامات سے بری ہو گئے۔
آسٹریلوی میڈیا کے مطابق دانشکا گونا تھیلاکا کے خلاف ریپ کیس کی سماعت سڈنی کی عدالت میں ہوئی۔
عدالت نے ریپ کیس کے باقی ایک الزام میں کرکٹر کو بری الزمہ قرار دے دیا۔
میڈیا رپورٹس کے مطابق سری لنکن کرکٹر دانشکا گونا تھیلاکا ریپ کیس میں مجرم قرار نہیں پائے، ریپ کیس کے حوالے سے شکایت کنندہ ٹھوس شواہد کو پیش نہ کر سکی۔
آسٹریلوی میڈیا کا کہنا ہے کہ کیس میں رضامندی کے بغیر مراسم قائم کرنے کو ثابت نہیں کیا جا سکا ہے، کرکٹر کو عدالت نے پولیس انٹرویو میں سچا قرار دیا ہے۔
شکایت کنندہ نے جان بوجھ کر جھوٹی گواہی دی جس کے لیے انہیں متحرک کیا گیا، شکایت کنندہ کی رہائش گاہ کے دوران ماحول پُرسکون اور خوش گوار رہا۔
واضح رہے کہ ریپ کے الزام میں دانشکا گونا تھیلاکا کو آسٹریلوی پولیس نے 6 نومبر 2022ء کو گرفتار کیا تھا، وہ سری لنکا کے ٹی ٹوئنٹی ورلڈ کپ اسکواڈ کا حصہ تھے تاہم ٹیم کے ساتھ انہیں واپس نہیں جانے دیا گیا تھا۔
دانشکا گونا تھیلاکا پر ریپ کیس میں 4 مختلف الزامات تھے، ان پر 3 الزامات کو پہلے ہی ختم کر دیا گیا تھا جبکہ کرکٹر کو اب واحد الزام سے بھی بری کر دیا گیا ہے۔
آسٹریلوی میڈیا کا کہنا ہے کہ کیس میں زبردستی اور رضامندی کے بغیر تعلق قائم کرنے اور اس دوران جھوٹ بولنے کو ثابت نہیں کیا جا سکا۔