صدرپاکستان آصف علی زرداری اور صدرمتحدہ عرب امارات شیخ محمدبن زایدآل نہیان کی ابوظہبی میں ملاقات
دونوں رہنماؤں کا دوطرفہ تعلقات کو مزید مضبوط بنانے پر اتفاق
ابوظہبی(اردوویکلی):: متحدہ عرب امارات کے چار روزہ سرکاری دورے پر آئے ہوئے صدراسلامی جمہوریہ پاکستان صدر آصف علی زرداری نے گزشتہ روز متحدہ عرب امارات کے صدر شیخ محمد بن زاید آلنہیان سے ابوظہبی میں ملاقات کی،جس میں دونوں ملکوں کے درمیان دیرینہ اور برادرانہ تعلقات کو مزید مستحکم بنانے کے طریقوں پر تبادلۂ خیال کیاگیا۔ملاقات میں صدر آصف علی زرداری اورمتحدہ عرب امارات کے صدر نے دوطرفہ تعاون کے تمام پہلوؤں کا جائزہ لیا
دونوں رہنماؤں کا تجارت، سرمایہ کاری، توانائی، انفراسٹرکچر، ٹیکنالوجی اور عوامی روابط سمیت مختلف شعبوں میں نئے مواقع تلاش کرنے پر زور۔ملاقات میں اقتصادی اور اسٹریٹجک شراکت داری کو وسعت دینے کی نمایاں صلاحیت کو اجاگر کیا گیادونوں رہنماوں نے اقتصادی و تزویراتی شراکت داری کو مزید وسعت دینے کو اجاگر کیا
صدر مملکت نےیو اے ای کے صدر شیخ محمد بن زاید النہیان کے حالیہ دورۂ پاکستان کی اہمیت کو اجاگر کیا، ملاقات میں دونوں فریقین نے علاقائی اور بین الاقوامی پیش رفت پر بھی تبادلہ خیال کیا،نیزدونوں رہنماوں نے امن، استحکام اور پائیدار ترقی کے فروغ کے عزم کا اعادہ کیا۔
ملاقات میں خاتونِ اول آصفہ بھٹو زرداری، رکنِ قومی اسمبلی اور چیئرمین پیپلز پارٹی بلاول بھٹو زرداری،بختاور بھٹوزرداری اورانکے شوہرمحمودچوہدری، وفاقی وزیرِ داخلہ و انسدادِ منشیات محسن نقوی اور متحدہ عرب امارات میں پاکستان کے سفیر بھی ملاقات میں شریک تھے