گال ٹیسٹ کا پہلا روز بولرز کے نام رہا، دونوں ٹیموں کے مجموعی طور پر 13 بلے باز پویلین لوٹ گئے۔
میزبا ن سری لنکا نے آسٹریلیا کے خلاف ٹاس جیت کر پہلے بیٹنگ کرنے کا فیصلہ کیا جو ابتدائی 12 اوورز میں درست لگا تاہم 13ویں اوور کی پہلی ہی گیند پر پہلی وکٹ گرنے کے بعد سری لنکن ٹیم سنبھل نہ سکی۔
سری لنکن ٹیم نروشن ڈکویلا (58) کی نصف سنچری کی مدد سے 212 رنزبناکر آل آؤٹ ہوگئی۔اینجلو میتھیوز 39، کپتان دیموتھ کرونا رتنے 28، پتھم نسانکا 23 اوررمیش مینڈس 22 رنز بناکر دیگر نمایاں بلے باز رہے۔
آسٹریلیا کی جانب سے نیتھن لیون نے 5، مچل سویپسن نے 3 جبکہ مچل اسٹارک اور پیٹ کمنز نے ایک ایک وکٹ حاصل کی۔
13 wickets fell on the opening day!
Advertisement
Watch #SLvAUS Test series LIVE on https://t.co/CPDKNxoJ9v (in select regions) #WTC23 | Scorecard: https://t.co/1DN9x8uGqI pic.twitter.com/vBovc3MLlX
— ICC (@ICC) June 29, 2022
پہلے روز کھیل کے اختتام تک آسٹریلوی ٹیم بھی 98 رنز پر اپنی تین وکٹیں گنواچکی ہے۔
ڈیوڈ وارنر 25، مارنس لبوشین 13 اور اسٹیو اسمتھ 6 رنز بناکر آؤٹ ہوئے جبکہ عثمان خواجہ 47 اور ٹریوس ہیڈ 6 رنز بناکر کریز پر موجود ہیں۔
سری لنکا کی جانب سے رمیش مینڈس نے 2 وکٹیں حاصل کیں۔