بھارتی ریاست اترپردیش میں بندروں نے حملہ کر کے چار ماہ کے بچے کو چھت سے نیچے پھینک دیا جس کے نتیجے میں ننھے بچے نے موقع پر ہی دم توڑ دیا۔
بھارتی میڈیا رپورٹس کے مطابق بریلی کے دیہی علاقے میں بندروں کا ایک غول اچانک رہائشی عمارت کی چھت پرآگیا، اس وقت ننھے بچے کے والد نردیش اپادھیائے اپنی اہلیہ کے ساتھ چہل قدمی کر رہے تھے، ان کے ساتھ ان کا 4 ماہ کا بیٹا بھی تھا جس پر بندروں نے دھاوا بول دیا۔
بندروں کو دیکھ کر جوڑے نے انہیں بھگانے کی کوشش کی، لیکن ناکام ہو گئے، والد نردیش کے ہاتھوں میں اس کا نومولود بیٹا تھا۔
والد کا کہنا ہے کہ جب بچے کیلئے خطرہ محسوس کیا تو فوراً سیڑھیوں کی طرف بھاگا لیکن بچہ ہاتھ سے چھوٹ گیا۔
والد کے پہنچنے سے ہیلے ہی ایک بندر نے تیزی سے بچے کو اٹھا کر چھت سے نیچے پھینک دیا، اور معصوم ننھا اسی وقت دم توڑ گیا۔
Advertisement
بریلی کے چیف کنزرویٹر آف فاریسٹ للت ورما نے کا کہنا تھا کہ واقعے کی اطلاع ملتے ہی محکمۂ جنگلات کی ایک ٹیم کو تحقیقات کے لیے روانہ کر دیا گیا ہے۔