بھارتی پولیس نے آصف علی اور شاداب خان کی ٹکر کو ٹریفک آگاہی کیلئے استعمال کرلیا۔
تفصیلات کے مطابق دبئی میں کھیلے جانے والے ایشیاکپ کے فائنل میں پاکستانی فیلڈر آصف علی اور شاداب خان نے باؤنڈری لائن پر سری لنکن بلے باز راجا پکسے کا کیچ پکڑنے کی ناکام کوشش کی تھی، اس دوران دونوں فیلڈر آپس میں ٹکراگئے تھے جس سے نہ صرف کیچ ان سے چھوٹ گیا بلکہ گیند بھی باؤنڈری لائن کے پار چلی گئی اور چھکا ہوگیا۔
Ae Bhai, Zara Dekh Ke Chalo#RoadSafety #AsiaCup2022Final pic.twitter.com/gepAVvrO33
— Delhi Police (@DelhiPolice) September 12, 2022
Advertisement
قومی ٹیم کے لیگ اسپنر اور بہترین فیلڈرز میں شمار ہونے والے شاداب خان نے راجا پکسے کا اس سے پہلے بھی ایک کیچ چھوڑا تھا جس پر انہوں نے گزشتہ روز شائقین کرکٹ سے معافی مانگتے ہوئے شکست کی ذمہ داری قبول کی تھی۔
بھارتی پولیس نے ایشیا کپ ٹی ٹوئنٹی 2022 کے فائنل میں آصف علی اور شاداب خان کی کیچ پکڑنے کے دوران ٹکر کو ویڈیو کو اپنے ٹوئٹر ہینڈل پر شیئر کیا اور شہریوں سے احتیاط برتنے کی اپیل کی۔
دہلی پولیس نے اپنے ٹوئٹر اکاؤنٹ پر پاکستانی کھلاڑی آصف علی اور شاداب کی ٹکر سے کیچ چھوٹنے کی ویڈیو کو ٹریفک آگاہی کے لیے استعمال کیا۔
دہلی پولیس کی جانب سے شیئر کی گئی ویڈیو کے کیپشن میں لکھا گیا ’’اے بھائی ذرا دیکھ کر چلو‘‘۔
دہلی پولیس کی جانب سے ویڈیو کے ساتھ روڈ سیفٹی اور ایشیا کپ کے ہیش ٹیگز کا بھی استعمال کیا گیا ہے۔
Advertisement
واضح رہے کہ بھارتی دارالحکومت دہلی کی پولیس نے آصف علی اور شاداب خان کی کیچ چھوڑنے کی ویڈیو کے ذریعے پاکستانی ٹیم کا مذاق اڑانے کی کوشش کی ہے جس پر انہیں سوشل میڈیا پر بھر پور رد عمل کا سامنا کرنا پڑرہا ہے۔
Aye Bhai Zara dekh k pakro pic.twitter.com/zUZCwVy2kR
— Shaheer Jalil (@ShaheerJalil2) September 12, 2022
ایک صارف نے ایشیا کپ میں پاکستان اور بھارت کے مقابلے کے دوران بھارتی کھلاڑی ارشدیپ سنگھ کی جانب سے آصف علی کا کیچ چھوڑنے کی تصویر اپ لوڈ کرتے ہوئے لکھا ’’ اے بھائی ذرہ دیکھ کر پکڑو‘‘۔
Advertisement
Advertisement