بیرون ملک عمرہ زائرین کے لیے سرکاری ویب سائٹ ’نسک‘ کا اجرا
جدہ: سعودی وزارت حج و عمرہ نے بیرون ملک عمرہ زائرین کے لیے سرکاری ویب سائٹ ’نسک‘ کا اجرا کردیا ہے۔
غیر ملکی خبر رساں ادارے کے مطابق سعودی وزارت حج و عمرہ کا ایک بیان میں کہنا ہے کہ سرکاری ویب سائٹ ’نسک‘ کے ذریعہ عمرہ اور حج پیکیج و خدمات کے علاوہ ویزہ بھی حاصل کیا جاسکے گا۔
انہوں نے کہا کہ ’نسک‘ کے وزیٹر عمرہ ویزے کے علاوہ سفر کے لیے تمام ضروری اشیاء، پیکیجز، ہوٹل اور ٹیکسی کی بکنگ بھی کرواسکیں گے۔
نسک کے ذریعہ عمرہ کمپنیاں بھی اپنی خدمات فراہم کریں گی جب کہ پہلے کام کرنے والی ویب سائٹ ’مقام‘ وقتی طور پر کام کرتی رہے گی۔
واضح رہے کہ نسک ویب سائٹ ڈیجیٹل گورنمنٹ کے علاوہ سعودی عرب کے وژن 2030 کے اہداف کے حصول میں معاون ثابت ہوگی جب کہ نسک ویب سائٹ کو وزارت حج وعمرہ اور سیاحت اتھارٹی کے تعاون سے ڈیزائن کیا گیا ہے۔
Advertisement