انگلینڈ نے قطر میں ہونے والے فیفا ورلڈ کپ 2022 کے لیے اپنے اسکواڈ کا اعلان کر دیا ہے۔
تفصیلات کے مطابق اسکواڈ کا اعلان کوچ گیرتھ ساؤتھ گیٹ نے ایک پرہجوم پریس کانفرنس میں کیا۔ انگلینڈ نے قطر میں ہونے والے ورلڈ کپ کے لیے فارم میں موجود لیسٹر سٹی کے مڈفیلڈر جیمز میڈیسن کو اپنے اسکواڈ میں شامل کیا ہے، فارورڈ کالم ولسن اور مارکس راشفورڈ کو بھی منتخب کیا گیا ہے۔
جمعرات کو جب کوچ گیرتھ ساؤتھ گیٹ نے اپنے 26 رکنی اسکواڈ کا اعلان کیا تو میڈیسن انگلینڈ کے لیے ایک حیران کن شمولیت تھی۔
لیسٹر پلے میکر نے 2019 میں مونٹی نیگرو کے خلاف یورپی چیمپیئن شپ کوالیفائر میں متبادل کے طور پر اپنے ملک کے لیے صرف ایک ہی میچ کھیلا ہے۔
Your #ThreeLions squad for the @FIFAWorldCup! 🦁 pic.twitter.com/z6gVkRTlT3
— England (@England) November 10, 2022
Advertisement
مانچسٹر یونائیٹڈ کے راشفورڈ نے بھی ٹیم میں جگہ بنانے کے لیے بہترین کارکردگی کا مظاہرہ کیا تھا، انہوں نے گزشتہ جولائی میں یورو 2020 کے فائنل میں متبادل کے طور پر بہترین کھیل پیش کر کے کوچ کا اعتماد حاصل کیا۔
کوچ ساؤتھ گیٹ نے نیو کیسل کے اسٹرائیکر ولسن کو چیلسی کے مڈ فیلڈر کونور گالاگھر کے ساتھ ٹیم میں منتخب کیا گیا ہے۔
ستمبر میں اٹلی اور جرمنی کے خلاف نینشز لیگ کے میچ میں کھیلنے والے برینٹ فورڈ کے اسٹرائیکر ایوان ٹونی کوچ کا اعتماد حاصل کرنے میں ناکام رہے۔
انگلینڈ کی فٹ بال ٹیم کے لیے ساؤتھ گیٹ نے گول کیپر کائل واکر کو چن لیا حالانکہ مانچسٹر سٹی کے اس گول کیپر کا گزشتہ ماہ کمر کا آپریشن ہوا تھا اور سمتبر میں کندھے کی سرجری بھی کرائی تھی۔
زخمی چیلسی کے رائٹ بیک ریس جیمز کی غیر موجودگی میں انگلینڈ کی ٹیم کے کوچ ساؤتھ گیٹ نے آرسنل کے ڈیفینڈر بین وائٹ کو منتخب کیا ہے۔
Advertisement
انگلینڈ اپنی ورلڈ کپ گروپ مہم کا آغاز 21 نومبر کو ایران کے خلاف کرے گا اس سے پہلے گروپ بی میں امریکہ اور ویلز کا مقابلہ ہوگا۔
Advertisement