امریکی ریاست فلوریڈا کے بحر اوقیانوس کے ساحل سے ٹکرانے کے بعد سمندری طوفان ’نکول‘ کی رفتار کم ہوگئی ہے.
تفصیلات کے مطابق طوفان نکول گزشتہ روز روز شمال میں رینگتا ہوا جارجیا اور کیرولائناس کے کچھ حصوں میں شدید بارشوں کے بعد کم ہو گیا، لیکن حکام نے احتیاط کی اپیل کی ہے۔
سمندری طوفان نکول کے نتیجے میں چار افراد ہلاک اور فلوریڈا کے بحر اوقیانوس کے ساحل کے ساتھ ساتھ ساحلی گھروں اور ہوٹلز وغیرہ کو نقصان پہنچا ہے۔
غیر ملکی میڈیا کی خبروں کے مطابق فلوریڈا کے بحر اوقیانوس کے ساحل پر کیٹیگری 1 کے سمندری طوفان کے خطرے کے پیش نظر حکام نے ساحل سمندر کے کنارے واقع بستی وولوسیا کاؤنٹی کو خالی کرا لیا ہے اور علاقے میں قائم ہوٹلوں کو بھی غیر محفوظ قرار دے دیا ہے۔
ڈیٹونا بیچ کے بالکل جنوب میں ساحل سمندر کے قریب آباد ایک کمیونٹی کے نصف درجن کے قریب گھر طوفان کی نذر ہو گئے ہیں۔
Advertisement
وولوسیا کاؤنٹی کے منیجر جارج ریکٹن والڈ نے ایک بیان میں کہا کہ ہمارے ساحلی پٹی کے ساتھ عمارتوں کا نقصان غیر معمولی ہے۔
جارج ریکٹن والڈ نے کہا کہ ہم نے پہلے کبھی ایسا تجربہ نہیں کیا اس طوفان سے ہونے والے تباہی کے بعد بحالی کے لئے کافی وقت درکار ہو گا۔
Advertisement