پاکستان مسلم لیگ (ن)یواے ای کے عہدیداران کونوٹیفکیشن دیے جانے کی تقریب۔
تمام عہدیداران کے ناموں کا اعلان پاکستان مسلم لیگ ن انٹرنیشنل افیئرز کے چیف کوارڈینیٹر بیرسٹر امجد ملک نے کیا۔
تقریب کا اہتمام صدروومن ونگ وہیڈسوشل میڈیا ٹیم پی ایم ایل (ن) یواے ای فرزانہ کوثرکی جانب سے کیاگیا
( امید ہے تمام نے عہدیدار اپنی اپنی ذمہ داریاں احسن طریقے سےنبھائیں گے( بیرسٹر امجد ملک
دبئی (نیوزڈیسک)چیف کوارڈینیٹرپاکستان مسلم لیگ ن انٹرنیشنل افیئرز ،بیرسٹر امجد ملک نے گزشتہ دنوں متحدہ عرب امارات کا دورہ کیا- اس موقع پر مسلم لیگ (ن) متحدہ عرب امارات وومن ونگ کی صدر اور سوشل میڈیا ٹیم کی ہیڈ فرزانہ کوثر نے دبئی کے ایک مقامی ہوٹل میں ان کے اعزاز میں ایک خصوصی تقریب کا اہتمام کیا جس میں پاکستان مسلم لیگ (ن) یو اے ای کے چئیرمین غلام مصطفی مغل ، صدر محمد غوث قادری جنرل سیکرٹری راجہ ابو بکر آفندی، صدرٹریڈ ونگ عبدالمجید مغل،وومن ونگ کی جنرل سیکرٹری ڈاکٹر فوزیہ کاشف کے علاوہ پی ایم ایل (ن)یواے ای کے سینئیرعہدیداران میاں غلام محی الدین، شیخ شعور قدوس، جان قادر، طاہر بھنڈر، عامر سہیل گھمن، محمد نعیم، محبوب احمد، معظم خان، چودھری راشد فاروق، ملک رشید اعوان اور دیگر بہت سے لیگی عہدیداران اور کارکنوں نے شرکت کی۔ تقریب میں پاکستان مسلم لیگ ن متحدہ عرب امارات اور سوشل میڈیا ٹیم کے عہدیداروں کے ناموں کا اعلان کیا گیا اور انہیں نوٹیفکیشن دیے گئے- اس موقع پر بیرسٹر امجد ملک نے کہا موجودہ عہدے سینئر لوگوں سے مشاورت اور پاکستان مسلم لیگ ن انٹرنیشنل افیئرزکے صدر اسحاق ڈار کی منظوری سے تفویض کئے گئے ہیں تمام عہدیداران کو بہت بہت مبارک ہو مجھے پوری امیدہے کہ آپ تمام عہدیدار اپنے عہدوں سے پوراپوراانصاف کریں گے اور پاکستان مسلم لیگ (ن )کی ترویج و اشاعت کے لئے دل و جا ن سے کام کریں گے، اپنے قائد محمد نواز شریف کے بیانیے کو آگے بڑھائیں گے اور پاکستان مسلم لیگ ن کے ووٹ بینک میں اضافہ کریں گے- اس موقع پر عبدالمجیدمغل کوبزنس ونگ کا صدر مقرر کرتے ہوئے انہیں اعزازی شیلڈ عطا کی- جان قادر کو پی ایم ایل این، یو اے ای اقلیتی ونگ احسن طورپرچلانے پرتعریفی شیلڈدی گئی، طاہربھنڈرکو یوتھ ونگ میں نئی روح پھونکنےاور نوجوانوں کو ایک پلیٹ فارم پر اکٹھا کرنے پراعزازی شیلڈ پیش کی۔چیف کوارڈینیٹرپاکستان مسلم لیگ ن انٹرنیشنل افیئرز،بیرسٹرامجدملک نے خوبصورت تقریب کے انعقاد پرفرزانہ کوثر کا شکریہ ادا کیا اور تقریب میں موجود تمام نئے عہدیداروں کو اپنی اپنی ذمہ داریاں احسن اندازمیں اداکرنے کی تلقین کی۔
