دل کے عارضہ میں مبتلا ٹیسٹ کرکٹرو اوپنر عابدعلی چار ماہ کے بعد کرکٹ کے میدان میں واپس آگئے ہیں۔
اوپنر عابد علی نے فیصل آباد میں جاری ایس پی ایل میں انہوں نے اپنا پہلا میچ کھیلا جس میں 33 گیندوں پر ایک چھکے اور سات چوکوں کی مدد سے 56 رنز بنائے ہیں۔
Alhumdulilah scored 32-balls 56 on my first match after four months
Keep praying 🤲 pic.twitter.com/Q6VFr3fxuj
— Abid Ali (@AbidAli_Real) April 20, 2022
سماجی رابطے کی ویب سائٹ ٹوئٹر پر عابدعلی نے اپنی کٹ والی ایک تصویر شئیر کی ہے جس میں وہ اپنی کٹ میں کھڑے نظر آرہے ہیں اور ساتھ ہی انہوں نے لکھا کہ الحمداللہ۔
اوپنر عابد علی نے اپنے مداحوں سے درخواسے کی اور کہا کہ دعاؤں میں یاد رکھیں۔
Alhamdulillah 🤲🤲🤲 pic.twitter.com/gLs78kOZf1
— Abid Ali (@AbidAli_Real) April 21, 2022
میچ کے بعد عابد علی نے کہا کہ بیٹنگ کے دوران کسی قسم کی کوئی تکلیف محسوس نہیں ہوئی، ہارٹ سرجری کے بعد یہ میرا پہلا میچ تھا اسلئے بس تھوڑا نروس ہوگیا تھا۔
انہوں نے کہا کہ لیکن خدا کا شکر ہے کہ جتنی دیر میں پچ پر کھڑا رہا وہ وقت بہت ہی اچھے طریقے سے گزارا۔
عابد علی کا مزید کہنا تھا کہ اس اننگز سے اعتماد میں اضافہ ہوا ہے۔ اور بھی میچز میں حصہ لے کر اپنی فارم اور فٹنس کے لیے محنت کرتا رہوں گا، اور میرا ٹارگٹ اب بھی پاکستان کی نمائندگی کرنا ہے۔
واضح رہے کہ کراچی میں قائد اعظم ٹرافی کے میچ کے دوران عابد علی کو دل میں تکلیف کے باعث اسپتال لے جایا گیا تھا، جہاں اُن کے دل کی دو رگیں بند ہونے کا انکشاف ہوا تھا۔
کراچی کے نجی اسپتال میں عابد علی کے دل کی شریان میں دو اسٹنٹس ڈالے گئے تھے۔