دنیش کارتک کی بابر اعظم سے متعلق پیش گوئی
بھارتی کھلاڑی دنیش کارتک نے پاکستان ٹیم کے کپتان بابر اعظم کے بارے میں پیش گوئی کی ہے۔
بھارتی کھلاڑی دنیش کارتک نے حال ہی میں آئی سی سی ریویو میں بابر اعظم سے متعلق پیش گوئی کی ہے جس میں ان کہنا تھا کہ بابر اعظم تینوں فارمیٹ کے نمبر ون بیٹر بننے کی صلاحیت رکھتے ہیں۔
انہوں نے کہا کہ بابر اعظم میں پوٹینشل موجود ہے جبکہ میری نیک خواہشات ان کے ساتھ ہیں، بابر اعظم ٹیسٹ کے فیبلوس فائیو میں شامل ہونے کی تمام صلاحیتیں رکھتے ہیں۔
دنیش کارتک کہتے ہیں بابر اعظم اسپیشل پلیئر ہیں، ان کا توازن اور بال کو مارنا اچھا ہے، وہ تینوں فارمیٹ کے نمبر ون بیٹر ہونے کا اعزاز حاصل کرنے والے پہلے کرکٹر بن سکتے ہیں۔
Advertisement
ان کا کہنا تھا بابر اعظم اس وقت ٹیسٹ میں پانچویں جبکہ ون ڈے اور ٹی ٹوئنٹی میں پہلے نمبر پر موجود ہیں، بابراعظم ہائی کوالٹی پلیئر ہیں اور وہ اس وقت اپنی بلندی پر ہیں۔
بھارتی کھلاڑی نے مزید کہا کہ بابر اعظم تینوں فارمیٹ میں شاندار ہیں جبکہ ابھی ان کو کئی ٹیسٹ میچز کھیلنے ہیں۔