پاکستان کرکٹ ٹیم کے اوپننگ بلے باز فخر زمان نے اپنی آئی سی سی ون ڈے ٹیم آف دی ایئر کیپ حاصل کر لی ہے۔
تفصیلات کے مطابق فخر زمان کو 2021 میں ان کی شاندار کارکردگی کی وجہ سے آئی سی سی ون ڈے ٹیم آف دی ایئر میں شامل کیا گیا، جہاں انہوں نے چھ میچوں میں 60.83 کی اوسط سے دو سنچریوں کے ساتھ 365 رنز بنائے۔
فخر زمان نے انٹرنیشنل کرکٹ کونسل(آئی سی سی) کا شکریہ ادا کرتے ہوئے کہا کہ ٹیم کا حصہ بننا میرے لیے اعزاز کی بات ہے۔
Finally, its here.
Thank you for this ICC. Honored to be the part of the ODI team of the year. #BlessedAndGrateful pic.twitter.com/QHaF3LS9OF
Advertisement
— Fakhar Zaman (@FakharZamanLive) June 3, 2022
پاکستان اس وقت ویسٹ انڈیز کے خلاف اپنی آئندہ ہوم سیریز کے لیے ٹریننگ کر رہا ہے جس کا آغاز 8 جون کو پہلے ون ڈے سے ہوگا۔
واضح رہے کہ پاکستان اور ویسٹ انڈیز کے درمیان ون ڈے سیریز کے میچز 8،10 اور 12 جون کو ملتان اسٹیڈیم میں کھیلے جائیں گے۔