پاکستان کے معمر ترین 70 سالہ نسیم الدین کو گینیز ورلڈ ریکارڈ کی طرف سے 2 سرٹیفکیٹ موصول ہو گئے۔
گینیز ورلڈ ریکارڈ نے ویڈیو اپنے آفیشل پیج پر بھی اپلوڈ کر دی جس کو اب تک ایک کڑور 10 ملین لوگ دیکھ چکے ہیں
70 سالہ ویلڈر نسیم الدین نے ایک ہاتھ سے مٹھی میں سیب توڑنے کے مقابلے میں انگلینڈ کو شکست دی۔
انہوں نے 13 کے مقابلے میں 18 سیب توڑ کر شکست دی تھی اور پھر اپنے ریکارڈ کو 21 مرتبہ مٹھی میں سیب توڑ کر مزید بہتر کیا تھا۔
گینیز ورلڈ ریکارڈ نے ریکارڈ کو منظوراور تصدیقی ایمیل بھی جاری کی تھی جبکہ گینیز ریکارڈ کی تفصیلات ویب سائٹ پر بھی موجود ہیں۔
Advertisement
تفصیلات کے مطابق گینز ورلڈ ریکارڈ کی سالگرہ کے حوالے سے پوری دنیا میں خصوصی طور پر ورلڈ ریکارڈ توڑنے کا سلسلہ جاری رہا اور اس موقع پر کراچی سے تعلق رکھنے والے لوہار 70 سالہ نسیم الدین کو بھی خصوصی اجازت دی گئی تھی۔
کراچی سے تعلق رکھنے والے نسیم الدین جو کی پینتالیس سال ویلڈنگ کے کام سے وابستہ ہیں لوہے کے گیٹ اور کھڑکی دروازے بنانے کا کام کرتے ہیں۔
70 سال کی عمر میں گینیز ورلڈ ریکارڈ میں نام درج کرواکر ایک نئی تاریخ رقم کر دی ہے اور انگلینڈ کے ڈونی بیکسٹر کے ایک منٹ میں 13 سیب توڑنے کے ریکارڈ کو 18 سیب توڑ کر اپنے نام کیا اور پھر اپنے ہی ریکارڈ کو 21 سیب توڑ کر مزید بہتر کیا۔
نسیم الدین کا سرٹیفکیٹ موصول کرنے کے بعد کہنا تھا ساری زندگی لوہے کے ساتھ کام کیا ہے اس لیے ہاتھ بھی لوہے کا ہی ہو گیا ہے خواہش تھی کے میں پاکستان کا نام روشن کروں۔
اب جب سرٹیفکیٹ بھی مل گئے ہیں تو خوشی دوبالاہ ہوگئی ہے یہاں یہ بات بھی قابل زکر ہے کہ نسیم الدین پاکستان کے لیے ماشل آرٹس میں پوری دنیا میں سب زیادہ 77 عالمی ریکارڈ بنانے والے محمد راشد کے والد ہیں جب کے ان کی پوتی بھی صرف 7 سال کی عمر میں ورلڈ ریکارڈ بنا چکی ہیں۔
نسیم الدین کا کہنا تھا کہ یہ ریکارڈ پاکستان کرکٹ ٹیم کے نام کرتا ہوں جنھوں پہلی مرتبہ ورلڈ کپ میں بھارت کو شکست دی۔