اہم خبریںشوبز/کھیل

سری لنکا مالی بحران، سابق کھلاڑی بھی لوگوں کی خدمت کے لیے پہنچ گئے

By admin
46
Print Friendly, PDF & Email

سری لنکا مالی بحران، سابق کھلاڑی بھی لوگوں کی خدمت کے لیے پہنچ گئے

سری لنکا کے سابق کرکٹر روشن ماہنامہ پیٹرول کی قطار میں کھڑے لوگوں کی خدمت کے لیے پہنچ گئے ہیں۔

سماجی رابطے کی مائیکرو بلاگنگ ویب سائٹ ٹوئٹر پر سری لنکا کے سابق کرکٹر روشن ماہنامہ کی تصاویر وائرل ہورہی ہیں جس میں انہیں پیٹرول کی قطار میں کھڑے لوگوں کی خدمت کرتے دیکھا جاسکتا ہے۔

یہ بھی پڑھیں: توانائی کے بحران میں شدت، سری لنکا میں اسکولز و دفاتر کو تالے لگ گئے

روشن ماہنامہ نے کولمبو میں پیٹرول کے لیے کئی گھنٹوں سے قطار میں کھڑے لوگوں کو تھکن اور پیاس سے بچانے کے لیے بن اور چائے پیش کی۔

روشن ماہنامہ کا اپنی تصاویر شیئر کرتے ہوئے کہنا تھا کہ ’آج شام ہم نے کمیونٹی میل شیئر کی اور ٹیم کے ہمراہ پیٹرول کے لیے قطاروں میں کھڑے لوگوں کا چائے اور بن پیش کیا ہے۔

Advertisement

ان کا کہنا تھا قطاریں روز بروز لمبی ہوتی جارہی ہیں اور قطاروں میں کھڑے لوگوں کو صحت سے متعلق بہت سے خطرات لاحق ہوسکتے ہیں۔

انہوں نے ایک اور ٹوئٹ میں عوام سے اپیل کی کہ ’براہ کرم ایک دوسرے کا خیال رکھیں، مناسب مشروبات اور کھانا ساتھ لائیں اور اگر آپ کی طبیعت ٹھیک نہیں تو قریب ترین شخص سے رابطہ کریں یا پھر 1990 پر کال کرکے مدد طلب کریں‘۔

واضح ہے کہ سری لنکا ان دنوں شدید مالی بحران کا شکار ہے جبکہ سری لنکا کی حکومت نے اعلان کیا ہے کہ آئندہ 5 روز میں ملک میں ذخیرہ کیا گیا ایندھن ختم ہوجائے گا جس کے باعث شہریوں کی ایک بڑی تعداد نے پیٹرول پمپس کا رخ کیا ہے۔

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }