ورلڈٹریڈسینٹردبئی میں منعقد ہونی والی 3روزہ بیوٹی ورلڈمڈل ایسٹ 2024میں پاکستانیوں کمپنیوں کی نمایاں شرکت

سفیرپاکستان فیصل نیازترمذی  اورقونصل جنرل دبئی حسین محمدنے پاکستان پویلین کادورہ کیا

دبئی(نیوزڈیسک)::پاکستان نے بیوٹی ورلڈ مڈل ایسٹ 2024 میں بھرپور حصہ لیاہے جو کہ دبئی ورلڈ ٹریڈ سینٹر میں 28 سے 30 اکتوبر تک منعقد ہونے والی دنیا کی باوقار خوبصورت تجارتی نمائشوں میں سے ایک ہے۔ ٹریڈ ڈویلپمنٹ اتھارٹی آف پاکستان کی قیادت میں پاکستان سے 16نمائش کنندگان شرکت کر رہے ہیں۔بیوٹی ورلڈ مڈل ایسٹ 60 ممالک کے 1,800 سے زیادہ نمائش کنندگان کی میزبانی کر رہا ہے اور اسے بیوٹی انڈسٹری سے منسلک لوگوں کے لئے عالمی رجحانات میں مشغول اور دریافت کے حواے سے ایک اہم پلیٹ فارم کے طور پر جانا جاتا ہے۔

پاکستانی کمپنیاں زبیل ہال 2 میں بالوں، کاسمیٹکس اور سکن کیئر، فریگرنس کمپاؤنڈز اور پرفیومری، مشینری اور ذاتی نگہداشت اور حفظان صحت سمیت مختلف کیٹگریز میں مختلف مصنوعات کی نمائش کر رہی ہیں۔متحدہ عرب امارات میں پاکستان کے سفیر فیصل نیاز ترمذی نے پاکستانی پویلین کا دورہ کیا اور جی سی سی کے خطے میں جدید اور اعلیٰ معیار کی مصنوعات متعارف کرانے پر پاکستانی نمائش کنندگان کے تعاون کو سراہا۔ انہوں نے کہا کہ بیوٹی ورلڈ مڈل ایسٹ 2024 میں پاکستانی کمپنیوں کی شرکت عالمی سطح پر پاکستان کی خوبصورتی اور ذاتی نگہداشت کی مصنوعات کو فروغ دینے میں ایک اہم قدم ہے۔اس سے قبل پاکستان کے قونصل جنرل حسین محمد نے نمائش میں پاکستان پویلین کا افتتاح کیا۔

انہوں نے اس بات پر زور دیا کہ یہ تقریب پاکستانی تاجروں کو مسابقتی مصنوعات کو عالمی مارکیٹ میں پیش کرنے، برآمدات کو فروغ دینے اور بین الاقوامی سرمایہ کاری کو راغب کرنے کا موقع فراہم کرتی ہے۔ قونصل جنرل نے پاکستانی نمائش کنندگان کی مصنوعات کے تنوع اور مارکیٹ کی توسیع کے لئے ان کے عزم کو سراہا۔ انہوں نے دبئی کی عالمیمارکیٹ میں پاکستانی برآمدات کی حمایت کے لئے قونصل خانے کے عزم کو اجاگر کیا۔

ٹریڈ ڈویلپمنٹ اتھارٹی آف پاکستان کی سہولت میں سبسڈی والے سٹال شامل ہیں، جو پاکستانی نمائش کنندگان کو بین الاقوامی رسائی کے لئے اس ہائی پروفائل پلیٹ فارم سے فائدہ اٹھانے کے قابل بناتے ہیں۔ دبئی میں قونصلیٹ کا کمرشل سیکشن جس کی قیادت علی زیب خان کر رہے ہیں، تجارت اور سرمایہ کاری کے مشیر بھی پاکستانی برانڈز کے لئے زیادہ سے زیادہ نمائش کو یقینی بنانے کے لئے زمینی مدد فراہم کر رہے ہیں