مقبوضہ کشمیر میں جی 20 اجلاس بلانے پر چین نے بھارت کی مخالفت کردی۔
چینی ترجمان کا اس حواے سے کہنا تھا کہ چین اس اجلاس میں شرکت کرنے کے معاملے کو دیکھے گا۔
چینی وزارت خارجہ کے ترجمان نے کہا کہ مسئلہ کشمیر پر چین کا مؤقف مستقل اور واضح ہے، مسئلہ کشمیر اقوام متحدہ کی سلامتی کونسل کی قراردادوں کےمطابق حل ہونا چاہیے۔
یہ بھی پڑھیں: امریکا اور مغربی اتحادیوں کا روس کو جی 20 تنظیم سے نکالنے پر غور
چینی ترجمان کا کہنا تھا کہ علاقائی امن و استحکام کےلیے تنازعات کو بات چیت اور مشاورت سے حل کرنا چاہیے، اور فریقین کو مسئلہ پیچیدہ بنانے والے اقدامات سے گریز کرنا چاہیے۔
Advertisement
چینی وزارت خارجہ کے ترجمان کا مزید کہنا تھا کہ جی ٹوئنٹی بین الاقوامی اقتصادی اور مالیاتی تعاون کا سب سےبڑا فورم ہے، تمام بڑی معیشتوں سےمطالبہ ہےعالمی معیشت کی مستحکم بحالی پر توجہ دیں، اقتصادی تعاون کوسیاسی رنگ دینے سے گریز کیا جائے۔
یہ بھی پڑھیں: جی 20′ کا قرض ادائیگیوں کوکچھ عرصے کے لیے منجمد کرنے پرغور
ان کا کہنا تھا کہ تمام بڑی معیشتیں عالمی معاشی نظم و نسق کو بہتر بنانے میں مثبت کردار ادا کریں۔
یاد رہے کہ بھارت کی جانب سے اگلے سال جی ٹوئنٹی اجلاس جموں و کشمیر میں کرانے کا کہا گیا تھا۔