چیئرمین پی سی بی رمیز راجا آئی سی سی اجلاس میں شرکت کے لیے کل انگلینڈ روانہ ہوں گے۔
تفصیلات کے مطابق پاکستان کرکٹ بورڈ کے چیئرمین رمیز راجا ایم سی سی کرکٹ کمیٹی اور آئی سی سی اجلاسوں میں شرکت کریں گے۔
ایم سی سی کرکٹ کمیٹی کا اجلاس 15 اور 16 جولائی کو لارڈز میں شیڈول ہے۔ بھارتی بورڈ کے سربراہ سارو گنگولی اور انگلینڈ ٹیم کے کوچ برینڈن میک کلم بھی کمیٹی کے رکن ہیں۔
چیئر مین پی سی بی کی اجلاس کی سائیڈ لائنز پر سابق کرکٹرز سے بات چیت بھی ہو گی۔
آئی سی سی بورڈ میٹنگز برمنگھم میں 23سے 26 جولائی کو شیڈول ہیں۔
Advertisement
آئی سی سی اجلاس میں فیو چرز ٹورپروگرام کے حوالے سے بات چیت ہو گی جس میں بھارتی لیگ کی ونڈو بڑھانے کے معاملے پر بات ہونے کی صورت میں پاکستان اپنے تحفظات کا اظہار کرے گا۔
اجلاس میں رمیز راجا چار ملکی ٹورنامنٹ کی تجویز کو مزید آگے بڑھائیں گے۔
اجلاس کی سائیڈ لائنز پر رمیز راجا اپنے ہم منصبوں سے تفصیلی بات چیت بھی کریں گے۔
تین ملکی ٹورنامنٹس کے انعقاد کے حوالے سے چیئرمین پی سی بی مختلف بورڈز سے گفتگو کریں گے۔
چیئرمین پی سی بی رمیز راجا انگلینڈاور نیوزی لینڈ کے بورڈز سے دورہ پاکستان کے حوالے سے پیش رفت پر بھی بات کریں گے۔