بگ بیش لیگ کے شیڈول کا اعلان
بگ بیش لیگ کا آغاز 13 دسمبر سے ہوگا جس کے شیڈول کا اعلان کردیا گیا ہے۔
کے ایم سی بگ بیش لیگ کے آفیشل ٹوئٹر اکاؤنٹ سے لیگ کے شیڈول کا اعلان کردیا گیا ہے جس کا افتتاحی میچ سڈنی تھنڈرز اور میلبورن اسٹار کے درمیان اوول میں کھیلا جائے گا۔
ایونٹ میں تین نئے وینیوز کو بھی شامل کیا گیا ہے جن میں ولنگٹن اسپورٹس گراؤنڈ البری، نارتھ سڈنی اوول اور کنیز شامل ہیں جبکہ اس کے علاوہ 17 مقامات پر میچز کروائیں جائیں گے۔
ایونٹ میں کل 56 میچز کھیلے جائیں گے جس میں پاکستانی کھلاڑیوں کی بھی شرکت کا امکان ہے جبکہ ایونٹ کا فائنل 4 فروری 2023 کو کھیلا جائے گا۔
Advertisement
بگ بیش لیگ میں آسٹریلیا کے تمام معروف کرکٹرز اپنی اپنی فرنچائزز کو دستیاب ہوں گے۔
واضح رہے کہ گذشتہ سال کھیلی گئی بگ بیش لیگ میں قومی کھلاڑی فخر زمان، حارث رؤف، محمد حسنین اورشاداب خان شامل تھے۔