مودی حکومت ہمیشہ کی طرح اپنے وعدوں سے پھر گئی، بھارتی کسان ایک بار پھر سراپا احتجاج ہوکر سڑکوں پر نکل آئے۔
بھارتی میڈیا کی رپورٹس کے مطابق کسانوں نے بی جے پی حکومت کی جانب سے وعدے پورے نہ کیے جانے پر مظاہرے شروع کردیے ہیں۔
کسان ایک بار پھر سراپا احتجاج ہوگئے اور پولیس کی جانب سے لگائی گئی رکاوٹیں عبور کرتے ہوئے دارالحکومت نئی دہلی میں داخل ہو گئے۔
مظاہرین نے حکومت کے خلاف بینرز اور جھنڈے اٹھا رکھے ہیں اور مودی کے خلاف نعرے لگا رہے ہیں۔
بھارتی کسانوں کی نمائندہ تنظیموں کی جانب سے پیداوار کے لیے کم از کم امدادی قیمت کی ضمانت اور قرضوں کی معافی سمیت دیگر مطالبات کیے گئے تھے۔
Advertisement
یاد رہے کہ گزشتہ برس نومبر میں مودی نے زراعت سے متعلق کچھ قوانین میں تبدیلی کا عندیہ دیا تھا لیکن کسانوں کا کہنا تھا اس تبدیلی سے کارپوریشنز کو ان کا استحصال کرنے کی اجازت دے دی جائے گی۔
Advertisement