پیٹ کمنز کا آئی پی ایل کا اگلا ایڈیشن کھیلنے سے انکار

By Arshad Chaudhary On نومبر 15, 2022

آسٹریلوی کپتان پیٹ کمنز نے اپنے ملک کی نمائندگی کی خاطر آئی پی ایل سے لاکھوں ڈالرز کا معاہدہ چھوڑ دیا ہے۔

آسٹریلوی کپتان پیٹ کمنز نے سماجی رابطے کی سائٹ پر آئی پی ایل کے اگلے ایڈیشن کے حوالے سے بیان جاری کیا ہے جس میں انہوں نے کھیلنے سے انکار کردیا ہے۔

میڈیا رپورٹس کے مطابق پیٹ کمنز نے آئی پی ایل کی ٹیم کولکتہ نائٹ رائیڈرز کے ساتھ تین ملین آسٹریلوی ڈالرز کا معاہدہ کیا تھا جب کہ گذشتہ سیزن میں بھی انہوں نے 1.34 ملین ڈالرز کا معاہدہ چھوڑا تھا۔

ٹوئٹر پر جاری بیان میں ان کا کہنا تھا کہ ’میں نے اگلے سال آئی پی ایل نہ کھیلنے کا مشکل فیصلہ کیا ہے، اگلے 12 ماہ ٹیسٹ اور ون ڈے سیریز سے بھرے ہوئے ہیں لہذا میں ایشز سیریز اور ورلڈ کپ کے لیے آرام کروں گا‘۔

I’ve made the difficult decision to miss next years IPL. The international schedule is packed with Tests and ODI’s for the next 12 months, so will take some rest ahead of an Ashes series and World Cup. pic.twitter.com/Iu0dF73zOW

Advertisement

— Pat Cummins (@patcummins30) November 14, 2022

ایک اور ٹوئٹ میں انہوں نے لکھا کہ اس بات کو سمجھنے کے لیے کولکتہ نائٹ رائیڈرز کا شکریہ جب کہ انہوں نے ٹیم مینجمنٹ کا شکریہ ادا کرتے ہوئے جلد واپسی کی امید بھی ظاہر کی۔

Thanks so much to @KKRiders for their understanding. Such a terrific team of players and staff and I hope I can get back there ASAP

— Pat Cummins (@patcummins30) November 14, 2022

واضح رہے کہ ایشز سیریز جون 2023 میں ورلڈ کپ سے قبل کھیلی جائے گی جب کہ ون ڈے ورلڈ کپ بھارت میں اکتوبر 2023 میں کھیلا جانا ہے۔